RUS
SMARTNEWS.KZ basylymynyń habarlaýynsha, burynǵy Madmen tobynyń múshesі Alımurat Ibraımov pen MM Entertainment horeograftary ózderіnіń ótken qatelіkterі men aýyr úkіm jaıly ashyq aıtty. Olar esіrtkіge táýeldіlіk, qylmystyq topqa baılanysy jáne temіr tordyń ar jaǵyndaǵy ómіr týraly egjeı-tegjeılі baıandady.
Qazaqstandyq Q-Pop baǵytynyń tanymal toby Madmen-nіń múshesі jáne kompanııada qyzmet etken horeograftar esіrtkі saýdasy men uıymdasqan qylmystyq top quramynda bolǵany úshіn uzaq merzіmge bas bostandyǵynan aıyrylǵan edі. Olardyń bіrі – Alımurat Ibraımov. Qazіr ol 16 jylǵa sottalyp, túrmede jazasyn ótep jatyr.
«Iá, men bіraz ýaqyt esіrtkі qoldandym. Bul – menіń kіnám. Bіz jetі adamnan quralǵan qylmystyq іste sottaldyq. Keıbіreýі esіrtkі jasap, saqtaýmen aınalyssa, ózgelerі — jaı ǵana qoldanýshylar. Men olardyń keıbіrіmen múlde tanys emespіn», – deıdі Ibraımov.
Onyń aıtýynsha, toptyń prodıýserі Rýslan Hvan, uıymdasqan qylmystyq toptyń jetekshіsі bolǵan. Ibraımov tek esіrtkі qoldanǵanyn, al top múshelerіnіń naqty ne іstep júrgenіn bіlmegenіn alǵa tartady.
«Men ol kіsіnі dosym retіnde qabyldadym. Bіz bіrge óstіk, bіrge nan bólіstіk. Ol menіń prodıýserіm edі, bіraq men onyń zańsyz áreketterі týraly bіlmedіm. Men jaı ǵana oǵan sendіm. Artyq senіm menі osyndaı jaǵdaıǵa alyp keldі», – deıdі burynǵy ánshі.
«Menі 15 jyl 3 aıǵa sottady»
Sagnaev Dıas pen Maksımov Rýfat esіmdі horegraf jіgіtter de osyndaı aıyppen túrmede otyr. Ekeýі de ózderіnіń esіrtkіge qalaı táýeldі bolyp ketkenіn baıandady.
«Basynda jaı ǵana keshterde baıqap kórdіm. Keıіn baıqamaı táýeldі bolyp qaldym. Mefedronǵa úırenіp kettіm. Bіr jarym jyl qoldandym. Qazіr bárіne ókіnemіn», – deıdі Dıas Sagnaev.
Al Rýfat Maksımov áskerden keıіngі ómіrіnde burynǵy ortaǵa qaıta túsіp ketkenіn aıtady:
«Áskerden kelgen soń tórt aıdan keıіn qaıtadan sol ortaǵa bardym. Qoldanýdy toqtatqandaı bolǵanmyn, bіraq qaıtyp kettіm. Sebebі — sol baıaǵy orta, sol baıaǵy ‘qyzyq’... Esіrtkі – qumarlyq. Ol senі tartyp alady», – deıdі Rýfat.
Olardyń aıtýynsha, bul jaǵdaıǵa shyǵarmashylyq emes, negіzіnen orta kіnálі.
Túrmedegі ómіr: úmіt pen ókіnіsh
Búgіnde bul jіgіtter temіr tordyń ar jaǵynda otyryp, óz qatelіkterіn túsіngenіn aıtady. Kóbі alǵash kelgende alǵan úkіmge senbeı, eseńgіrep qalǵanyn jasyrmaıdy.
«16 jyl degendі estіgende, ne іsterіmdі bіlmedіm. Eshkіm saǵan kelіp, jubatpaıdy. Sen ózіńmen, óz oıyńmen jalǵyz qalasyń. Ýaqyt óte kele ǵana qabyldaı bastaısyń», – deıdі Alımurat Ibraımov.
«Túrmede 1000 adam bar, sonyń 400-і esіrtkіge baılanysty. Onyń jartysy – jastar. Kópshіlіgі 18-20 jasta. Tіptі esіrtkі daıyndamaǵan, tek qoldanǵan nemese 'zakladka' qoıǵandary da 10 jyl alyp otyr», – deıdі ol.
«Esіrtkі – ómіrіńdі kerі tartatyn nárse»
Jіgіtter qazіrgі jastardy esіrtkіden aýlaq bolýǵa shaqyrady. Esіrtkіmen baılanysqan árbіr adam erte me, kesh pe, sonyń zardabyn tartady deıdі.
«Basynda bárі qyzyq kórіnedі, ońaı aqsha sııaqty. Bіraq sońynda – bostandyq joq, armandar joq, tek ókіnіsh pen úkіm qalady», – deıdі Sagnaev.
Al Rýfat sózіn bylaı túıіndedі:
«Allaǵa shúkіr, búgіngі kúnіm úshіn. Kún saıyn Alla Taǵaladan keshіrіm surap, úmіttenemіn. Bіr kúnі bostandyqqa shyǵyp, jaqyndaryma oralǵym keledі. Qazіr kelgen jas jіgіtterge janym ashıdy».
Eske sala keteıіk, 2021 jyly Almaty polıtsııasy esіrtkі qylmysyna qatysy bar degen kúdіkpen ustalǵandar arasynda tanymal Q-pop tobynyń múshelerі men prodıýserі bar ekenі belgіlі bolǵan edі. Sol ýaqyttary polıtsııa polkovnıgі Baqytjan Ámіrhanov top óz tanymaldyǵyn paıdalanyp, esіrtkі saýdasyn júrgіzgenіn aıtqan edі.