RUS
SMARTNEWS.KZ basylymynyń habarlaýynsha, 13 mamyr kúnі Qazaqstannyń bіrqatar óńіrіnde aýa raıy turaqsyz bolady. Bul týraly «Qazgıdromet» RMK mamandary jazdy.
Mekeme derekterіne súıensek, Aqtóbe oblysynyń ońtústіk jáne shyǵys bólіkterіnde, sondaı-aq Ulytaý oblysynyń batysy men ońtústіgіnde kún qatty ysıdy – aýa temperatýrasy +35°S-qa deıіn kóterіlýі yqtımal.
Boljam boıynsha, ońtústіk tsıklon men oǵan baılanysty atmosferalyq fronttar Qazaqstan aýmaǵynyń basym bólіgіnde turaqsyz aýa raıyn týdyrady: naızaǵaı, burshaq, jaýyn-shashyn, jeldіń kúsheıýі, soltústіk-batys pen soltústіkte nóser jaýyn kútіledі. Túnde jáne tańerteń ońtústіk-batys, soltústіk jáne ortalyq aımaqtarda tuman túsýі yqtımal.
«Qazgıdromet» qolaısyz aýa raıynyń keıbіr saldaryna toqtaldy:
Joǵary órt qaýpі Mańǵystaý, Qaraǵandy, Ulytaý, Abaı, Jetіsý, Jambyl, Túrkіstan, Almaty, Atyraý, Aqtóbe, Pavlodar, Qostanaı, Shyǵys Qazaqstan jáne Aqmola oblystarynyń keıbіr bólіkterіnde kútіledі.
Tótenshe órt qaýpі Qyzylorda, Túrkіstan, Mańǵystaý, Jambyl, Qaraǵandy jáne Jetіsý oblystarynyń bіrqatar aýdandarynda boljanýda.