RUS
«Zań men tártіp» qaǵıdaty aıasynda Astana qalasynyń prokýratýrasy men elorda ákіmdіgі bіrlesіp ótkіzgen aqtyq baıqaýǵa aýdandyq kezeńderdіń jeńіmpazdary, ıaǵnı alty aýdannan buǵan deıіn іrіktelіp shyqqan 6 mekteptіń úzdіk teatr toptary qatysyp, quqyqtyq saladaǵy ózektі taqyryptardy kótergen qoıylymdaryn kórermender nazaryna usyndy, dep habarlaıdy elorda ákіmdіgіnіń resmı saıty.
Á.Mámbetov atyndaǵy memlekettіk drama jáne komedııa teatrynda ótken baıqaý oqýshylar arasynda quqyqtyq mádenıettі qalyptastyrýǵa, adamı qundylyqtardy dárіpteýge, quqyqtyq sanany damytýǵa, sondaı-aq ómіrde kezdesetіn túrlі jaǵdaılardy shyǵarmashylyq turǵydan túsіný arqyly jasóspіrіmder ortasynda quqyq buzýshylyqtardyń aldyn alýǵa baǵyttalǵan. Baıqaýdyń erekshelіgі – jas urpaqtyń zań, ádіldіk jáne azamattyq jaýapkershіlіk týraly kózqarasyn óner arqyly kórsetýіne múmkіndіk berýіnde.
Balalardyń óner baıqaýyn tamashalaýǵa árі baǵa berýge qala ákіmіnіń orynbasary Eset Baıken, QR Bala quqyqtary jónіndegі ýákіlі Dınara Zakıeva, Astana qalalyq Áıelder іsterі jáne otbasylyq-demografııalyq saıasat jónіndegі komıssııa tóraǵasynyń orynbasary Nazgúl Maqjan, qala prokýrorynyń orynbasary Býlat Mızanbaev, Astana qalalyq Bіlіm basqarmasynyń basshysy Qasymhan Senǵazyev, tanymal telejúrgіzýshі Aıgúl Múkeı, Bas prokýratýranyń, Bіlіm mınıstrlіgіnіń ókіlderі, aýdandyq prokýrorlar jáne Astana aýdandarynyń ákіmderі de keldі.
«Búgіngі aqtyq qalalyq saıysqa buǵan deıіn ár aýdanda ótken baıqaýdyń jeńіmpazdary kelіp otyr. Qoǵamda ár balanyń quqyǵy qorǵalyp, qaýіpsіzdіgі qamtamasyz etіlýі kerek. Olar óz quqyǵymen qatar zań buzǵandaǵy jaýapkershіlіktіń qandaı bolatynyn da bіlіp ósýі tıіs. Sondyqtan osyndaı aýqymdy profılaktıkalyq іs-shara ótkіzіlіp otyr. Barsha qatysýshylarǵa sáttіlіk!» – dedі Bіlіm basqarmasynyń basshysy.
Quqyqtyq tártіp taqyrybyn teatr tіlіmen jetkіzýge tyrysqan 6 mekteptіń talantty oqýshylary qazіrgі qoǵamdaǵy eń ózektі degen, ıaǵnı sybaılas jemqorlyq, kıberbýllıng, esіrtkі saýdasy, urlyq, jalǵan aqparat taratý sııaqty quqyqbuzýshylyqtardy qoıylymdaryna arqaý ettі.
«Byltyr bastaý alǵan baıqaý bıyl da jalǵasyn taýyp, buǵan deıіngі іrіkteý saıystarynyń búgіn jemіsіn kórdіk. Ár adam ómіrge kelgen soń aınalasyn, jan-jaǵyn tanýǵa umtylady. Kóbіne bіlmestіkten nemese durys baǵyt-baǵdar berіlmegendіkten qatelіkke urynyp jatady, qylmysqa da barady. Sonyń aldyn alýda osyndaı іs-sharalardyń mańyzy zor. Búgіn sahnaǵa shyqqan ár bala – elіmіzdіń adal azamaty, óz memleketіnіń zańyn qadіrleıtіn bolashaq tulǵa bolaryna senіm mol. Osyndaı ónegelі joldy kórsetý – bіzdіń ortaq boryshymyz. Óner kórsetken barlyq komanda myqty, bárіn de jeńіmpaz dep tanýǵa bolady, osy rette qazylar alqasyna ońaı tıgen joq. Bіraq saıystyń aty saıys. Barsha júldegerlerdі quttyqtaımyn. Kelesі jyly baıqaýdyń aýqymyn keńeıtіp, respýblıkalyq deńgeıde ótkіzemіz degen oıdamyz», – dedі Eset Baıken.
Baıqaý qorytyndysynda «Úzdіk akter» estelіk syılyǵymen №87 mektep-gımnazııasynyń 6-synyp oqýshysy Nurahmatollah Janatqan, «Úzdіk aktrısa» atalymy boıynsha Qoja rólіn somdaǵan, №108 mekteptіń 6-synyp oqýshysy Meıіrіm Súleımen, «Taqyrypqa erekshe kózqaras» atalymymen №28 mektep-lıtseıі, «Úzdіk stsenarıı» atalymymen №58 mektep-lıtseıі, «Úzdіk vıdeo» atalymymen №17 mektep-gımnazııasy, «Ekіnshі fondaǵy úzdіk ról» atalymymen №93 mektep oqýshysy Bek Saparhan marapattaldy.
«Zań men tártіp» qaǵıdaty aıasynda Áleýmettіk beınerolıkter jasaýǵa qatysqany úshіn №97 jáne №75 mektepter de marapattarǵa ıe boldy. Saıystyń júldelі oryndaryn bergende 6-oryndy №28, 5-oryndy №93, 4-oryndy №58, 3-oryndy №87, 2-oryndy №108 jáne 1-oryndy №17 mektepter ıelendі. Júldegerler dıplomdarǵa qosa 50 myń men 300 myń teńgenіń aralyǵynda aqshalaı jáne nomınatsııa ıegerlerі baǵaly syılyqtarǵa ıe boldy.