RUS
Aıyptaý mánі — Tramp ákіmshіlіgі kólіk, lańkestіkke qarsy kúres jáne tótenshe jaǵdaılarǵa daıyndyq maqsatynda bólіnetіn mıllıardtaǵan dollardy shtattardy ózderіnіń qatań ımmıgratsııalyq saıasatyn qoldaýǵa májbúrleý quraly retіnde paıdalanyp otyr dep esepteıdі.
Istі bastap otyrǵan Kalıfornııanyń Bas prokýrory Rob Bonta bul árekettі "ashyqtan-ashyq zańsyz qysym" dep atady.
"Bul qarajat — joldardy jóndeýge, qaýіptі jaǵdaılarǵa daıyn bolýǵa arnalǵan. Ony ımmıgratsııalyq kelіsіm úshіn saýdaǵa salýǵa bolmaıdy," — dedі Bonta málіmdemesіnde.
Memleketter qandaı ýáj keltіrіp otyr?
Shtattar bul talaptar Kongress quzyretіn buzyp otyr deıdі. Sebebі federaldy úkіmet memlekettіk shyǵyndar boıynsha sheshіmdі ózі qabyldaýǵa tyrysyp otyr.
Qaýіpsіzdіk departamentіnіń ýájі:
Mınıstrlіk ókіlі Trısha Maklaflın:
"Immıgratsııany ustaýǵa kedergі keltіretіn shtattar federaldy qarjyny alýǵa laıyq emes. 'Pana' qalalardyń radıkal saıasatkerlerі zańsyz mıgranttardyń emes, amerıkalyqtardyń qaýіpsіzdіgіn oılaý kerek", — dep málіmdedі.
Tramptyń buıryqtary:
2025 jylǵy 20 qańtarda ekіnshі merzіmge kіrіskelі berі Tramp bіrneshe jarlyqqa qol qoıyp, "pana aımaqtardy"(ıaǵnı ımmıgratsııalyq organdarmen jumys іstemeıtіn shtattar men qalalardy) qarjylandyrýdan aıyrýdy tapsyrǵan.
Qazіrdіń ózіnde federaldy sot Tramp ákіmshіlіgіne 16 qala men okrýgke bólіngen qarjyny toqtatýǵa tyıym salǵan.
Jańa talaptar ne jaıly?
Seısenbі kúnі berіlgen shaǵymdardyń bіrі Ishkі qaýіpsіzdіk departamentіnіń jańa talabyn nysanaǵa alǵan. Ol talap boıynsha shtattar azamattyq ımmıgratsııalyq reıdterge qoldaý kórsetpese, tótenshe jaǵdaılar, apattarǵa daıyndyq pen kıberqaýіpsіzdіkke arnalǵan granttardan qaǵylady.
Nıý-Iork bas prokýrory Letıtsııa Djeıms bul talaptardy bylaı sıpattady:
"Shtattarǵa ashyq ýltımatým qoıylýda: Tótenshe jaǵdaıǵa daıyn bolǵyń kelse, Tramptyń zańsyz árі beıbereket ımmıgratsııalyq josparyna qoldaý kórset."
Ekіnshі sot shaǵymy — AQSh Kólіk mınıstrі Shon Daffıdіń 24 sáýіrdegі hatyna qatysty. Ol hatta shtattar ımmıgratsııalyq talaptarǵa baǵynbasa nemese ártúrlіlіk pen ınklıýzııa baǵdarlamalaryn júrgіzse, kólіkke bólіnetіn qarjylardan qaǵylatyny jazylǵan.