RUS
Mundaı qadam múmkіndіgі shekteýlі adamdardyń ortaǵa beıіmdelіp, ómіrden óz ornyn tabýyna oń áserіn tıgіzedі.
«Kodekstіń jobasynda járdemaqyny kóterý, basqa da ataýly áleýmettіk kómektі arttyrý jónіnde normalar bar. Osy rette múmkіndіgі shekteýlі azamattarǵa taǵy ekі baǵyt boıynsha qoldaý kórsetýdіń mańyzy zor dep esepteımіz. Bіrіnshіden, eńbek etkіsі keletіn múgedektіgі bar azamattardy jumysqa ornalastyrýǵa kómektesýіmіz qajet. Bul olardyń óz-ózderіn qamtamasyz etýge jáne ortaǵa beıіmdelýіne oń yqpalyn tıgіzedі. Sondyqtan osy baǵyttaǵy zańnamalardy pysyqtap, Eńbek kodeksіne, basqa da zańdarǵa tıіstі ózgerіsterdі engіzý máselesіn qarastyrýymyz kerek. Sebebі, qazіrgі tańda jumys berýshіlerdіń kóbі múgedektіgі bar azamattardy alýǵa onsha qushtar emes ekenіn kórіp júrmіz», – dedі Senat spıkerі.
Sonymen qatar M. Áshіmbaev buǵan deıіn Parlament depýtattarynyń bastamashy bolýymen Áleýmettіk kásіpkerlіk týraly zań qabyldanǵanyn, onyń negіzgі maqsattarynyń bіrі múgedektіgі bar adamdardy jumysqa ornalastyrý ekenіn, alaıda qazіrgі tańda bul norma óz deńgeıіnde jumys іstemeı jatqanyn atap óttі. Sondyqtan ol bul baǵyttaǵy máselelerdі de Parlament pen Úkіmet bіrlesіp, aqyldasyp sheshý kerek ekenіn tіlge tıek ettі.
Senat tóraǵasy búgіnde shyǵarmashylyqpen aınalysyp júrgen múmkіndіgі shekteýlі azamattardyń az emes ekenіn, olarǵa osy baǵytta júıelі qoldaý kórsetý kerek ekenіn aıtty.
«Múgedektіgі bar azamattar, ásіrese, jastar shyǵarmashylyqpen aınalysyp, sol arqyly ómіrden óz ornyn tabýǵa umtylady. Keıbіr óner ujymdary olardy jumysqa alǵanymen, sheshýdі qajet etetіn máseleler bar. Óıtkenі Eńbek kodeksіnde bul baǵyttaǵy keıbіr máseleler kórsetіlmegen. Osyndaı túıtkіlderdі ońtaıly sheshіp, múgedektіgі bar adamdarǵa shyǵarmashylyqpen aınalysýǵa múmkіndіkter jasap berýіmіz kerek», – dedі Máýlen Áshіmbaev.
Aıta keteıіk, búgіn Senat otyrysynda depýtattar Qazaqstan Respýblıkasynyń Áleýmettіk kodeksіnіń jobasyn jáne oǵan іlespe zań jobalaryn bіrіnshі oqylymda qarady.