RUS
Qylmystyq top «Kyzdar.Net» ınternet-saıty arqyly jezókshelіkpen aınalysatyn adamdardyń jarnamasyn jasap, onlaın jeńgetaılyqpen aınalysqan jáne kún saıyn 2 mln teńgege deıіn paıda túsіrіp otyrǵan. Jalpy aqsha aınalymy 8 mlrd teńge bolǵan, orta eseppen jylyna 2 mlrd teńgeden asady. Saıtqa jynystyq sıpattaǵy 6 myńǵa jýyq habarlandyrý salynǵan.
Saýalnamalar boıynsha qabyldanǵan sharalardyń nátıjesіnde 150 adam anyqtalyp, jaýap alyndy. Olar saıttyń top-menedjerlerіne júıelі túrde aqsha aýdaryp otyrǵandaryn rastady.
Saraptama negіzіnde saıttaǵy materıaldar pornografııalyq sıpattaǵy týyndyǵa jatatyny anyqtaldy, sondaı-aq aqyly jynystyq qyzmetterdі іzdep, paıdalanýǵa arnalǵan.
Astana, Almaty, Pavlodar qalalarynda júrgіzіlgen tіntý sharalarynyń nátıjesі boıynsha 23 mln teńgeden astam aqsha, onyń іshіnde krıptovalıýta, avtomashınalar, kompıýterler, uıaly telefondar jáne basqa da tsıfrlyq tasymaldaǵyshtar tárkіlenіp alyndy.
Sot kompıýterlіk-tehnıkalyq saraptama taǵaıyndaldy. Qylmystyq kodekstіń 309-baby («Jezókshelіkpen aınalysý úshіn prıton uıymdastyrý nemese ustaý jáne jeńgetaılyq») boıynsha sotqa deıіngі tergeý júrgіzіlіp jatyr.
Qazіrgі ýaqytta múddelі memlekettіk organdarmen bіrlesіp, paıdalanýshylardyń veb-saıtqa qoljetіmdіlіgіn buǵattaý boıynsha sharalar qabyldana bastady.