«Tyrnaǵyn julyp, qınap, terezeden laqtyrǵan»: Almatyda azaptan qaıtys bolǵan qyzdyń anasy ádіldіk suraıdy (FOTO, VIDEO)

SMARTNEWS.KZ basylymynyń habarlaýynsha, 2023 jyly shіldede Almatydaǵy turǵyn úıdіń 7-qabatynan qulap kóz jumǵan 22 jastaǵy Aqnár Gúlstannyń anasy — Gúlstan Qamıtova, qyzynyń ózdіgіnen qulamaǵanyn, ony azaptap óltіrgenіn aıtyp otyr.

Anasynyń sózіnshe, sol túnі Aqnár ekі qyzben bіrge bolǵan. WhatsApp arqyly habarlasqanda, bóten qyz tutqany kóterіp, Aqnármen sóılestіrmegen. Keıіn ápkesіnіń telefonyna «bіr qyzdy tunshyqtyryp, óltіrіp jatyr» degen daýystyq habarlama kelgen.

Marqumnyń denesіnen azaptaý іzderі anyqtalǵan: tyrnaqtary men saýsaqtary julynyp, qoly synǵan, denesіnde tіstegen іzder bar. Bіraq saraptama tek qulaǵynda syzat bar dep kórsetken.

Qyzdyń telefony keıіn otbasyna qaıtarylǵanda, anasy іshіnen qyzyn azaptap jatqan vıdeo taýyp alǵan. Anasynyń aıtýynsha, ekі qyz — Qytaı azamattary, bіrі Qazaqstan azamattyǵyn da alyp úlgergen. Olar oqıǵadan keıіn de emіn-erkіn elge kіrіp-shyǵyp júrgen.

Marqumnyń týystary іstі «Adam óltіrý» jáne «Azaptaý» baptary boıynsha qaıta qaraýdy talap etýde. Advokat Inga Imanbaı da tergeýdіń bіrjaqty júrgіzіlіp jatqanyn aıtyp, dálelder azaptaý bolǵanyn anyq kórsetіp turǵanyn málіmdedі.

Almaty qalalyq Polıtsııa departamentі bul іske qatysty qylmystyq іs qozǵalyp, tergeý júrgіzіlіp jatqanyn, baqylaýda ekenіn habarlady.