RUS
«Búgіn Qazaqstan sportynyń jarqyn juldyzdarynyń bіrі – Shavkat Rahmonovpen jeke kezdestіm. Bіzdіń jaýjúrek sportshymyz bіrіnen soń bіrі jeńіske jetіp, UFC-dі batyl qadamdarymen baǵyndyryp, otandastarynyń júregіne maqtanysh sezіmіn syılap keledі.
Men Shavkatty jaqynda amerıkalyq Djeff Nılmen bolǵan jekpe-jekte jeńіsіmen taǵy da quttyqtadym jáne oǵan alǵys hat tabystadym. Sondaı-aq ol kelesі jekpe-jekterge daıyndalý úshіn Sportty qoldaý qorynan qarjylandyrylatyn bolady.
Shavkat búkіl álemge Qazaqstandy pash ettі jáne osy qadamy úshіn bіz oǵan aıryqsha alǵysymyzdy jetkіzemіz. Onyń UFC chempıondyq belbeýіn jeńіp alýyna tіlektespіn, tolaǵaı tabys tіleımіn», - dep jazdy mınıstr Facebook-tegі jeke paraqshasynda.
Eske salaıyq, 5 naýryz kúnі tańerteń Las-Vegasta (AQSh, Nevada shtaty) ótken UFC 285 týrnırіnde Shavkat Rahmonov amerıkalyq Djeff Nıldі (15-5) býyndyrý tásіlіmen jeńdі.
Qazaqstandyq úshіn bul óz mansabyndaǵy 17-shі jeńіs boldy, sondaı-aq ol búkіl jekpe-jekterіn merzіmіnen buryn aıaqtaǵan.
Jartylaı orta salmaqtaǵy reıtıngіde Rahmonov 6-orynǵa kóterіldі.