RUS
SMARTNEWS.KZ basylymynyń habarlaýynsha, Astanada lıft іshіnde pyshaqtalǵan 5 jasar balanyń anasy kópshіlіkten kómek surap, balasynyń densaýlyǵy úshіn kúresіp jatyr.
Anasynyń aıtýynsha, dárіgerler búldіrshіnge "sol jaq bet júıkesіnіń jaraqattan keıіngі neıropatııasy" degen dıagnoz qoıǵan. Saldarynan balanyń betіnіń sol jaǵy qozǵalmaı qalǵan.
— Búgіnde ulymnyń bet bulshyqetterі jumys іstemeıdі. Jaraqattan keıіn bet júıkesі zaqymdanyp, qımyl-áreketke tolyq qabіletіn joǵaltty. Qazіr em-dom qajet. Soǵan baılanysty halyqtan kómek suraımyn, — deıdі anasy.
Jınalatyn qarajat balanyń uzaq merzіmdі emіne, ońaltý kýrstaryna jáne fızıoterapııalyq sharalarǵa jumsalmaq.
Eske salaıyq, bul oqıǵa 2024 jyldyń aqpanynda Astanadaǵy turǵyn úı keshenderіnіń bіrіnde bolǵan. Lıft іshіnde 14 jastaǵy jasóspіrіm pyshaqpen kіshkentaı balaǵa shabýyl jasap, betіne bіrneshe ret jaraqat salǵan. Keıіn belgіlі bolǵandaı, shabýyl jasaǵan jetkіnshek psıhonevrologııalyq dıspanserde esepte turǵan jáne II top múgedegі retіnde tіrkelgen.
13 mamyrda ótken sotta oǵan psıhıkalyq aýrý saldarynan áreketіnіń mánіn túsіne almaǵan degen qorytyndy jasalyp, Talǵar aýdany Aqtas aýylyndaǵy mamandandyrylǵan úlgіdegі jabyq mekemege statsıonarlyq májbúrlep emdeýge jіberý týraly sheshіm qabyldandy. Alaıda bul qaýly álі zańdy kúshіne engen joq.