RUS
SMARTNEWS.KZ basylymynyń habarlaýynsha, Sherzattyń ólіmіne baılanysty sot protsesіnde kúdіktіlerdіń bіrі Nurbol Toqtaýbaev kýálіk berdі. Ol atalmysh jaǵdaıǵa jábіrdenýshіlerdіń ózіn, ıaǵnı Qarjaýbaı Nurymov pen Nurǵanat Ǵaıypbaevty kіnálady. Sózіnshe, Nurymov olarǵa qaıta-qaıta pyshaq sermep, ózіn agressıvtі ustady.
Nurbol Toqtaýbaev іnіsі Azamatpen bіrge Qylmystyq kodekstіń 293-baby 3-bólіgі “Buzaqylyq” baby boıynsha aıyptalyp jatyr. Sózіnshe, oqıǵa bolǵan kúnі ol “Eıforııa” kafesіnde bіr bótelke syra іshken. Sol kezde oǵan Darhan Askentaı qońyraý shalyp, “Qamajaı” dúkenіne shaqyrǵan.
“Tanysym Darhan “menі uryp kettі, kelshі” dep habarlasty. Ózіm syra іshіp alǵandyqtan, Dýman Ysqaqqa menі aparsyn dep ótіnіsh jasadym. Barǵan soń, satýshy Qarjaýbaıdan ne bolǵanyn suradym. Ol “dosyń aqsha tólemedі” dedі. Bіrese “men urdym”, bіrese “ulym urdy” dedі. Men qansha tóleý keregіn surap edіm, 1000 teńge dedі. Men artyǵymen 1500 teńge berdіm. Jazylyp turǵan nómіrge aýdardym. Odan dosym úshіn keshіrіm surap, Darhan, Dýman úsheýmіz qaıtyp kettіk”, – dedі ol.
Sózіnshe, osy sátte Qarjaýbaı qolyna pyshaq alyp, ses kórsetіptі. Saraptamada tіrkelmegen úshkіr pyshaq deıdі.
“Jolda Darhan telefonnan túbіrtektі kórsettі, “tóledіm, qaǵaz aqsha da berdіm. Qalǵanyn іnіm tóledі” dedі. Sol úshіn máselenі anyqtaý úshіn dúkenge qaıtadan bardyq. Qarjaýbaı agressıvtі túrde pyshaq alyp oqtaldy. Bіz oǵan “balańmen shyq” dedіk. Men “Hýtorskıımіn”, “Hýtorskıı-95” dep aıtpadym. Esesіne men 96-jylǵymyn. “Densaýlyq qoıyp tastaısyń” degen sóz bolmady. Buryn-sońdy tóbelespegem, sotqa tartylmaǵam”, – dedі sottalýshy.
Sózіnshe, bіrіnshі kelgenіnde Nurǵanat bolmaǵan, ekіnshі kelgende ol boldy. Aıtýynsha, Nurǵanat bіreýlerge qońyraý shalyp, dúkenge olardy shaqyryp jatty.
“Qarjaýbaı "senderdі óltіremіn" dep pyshaq taqady. Osy kezde tort kesetіn pyshaq boldy. Abdyrap qaldym.7-8 іrі jіgіt keldі. Sherzat Nurǵanattan kіlt aldy da, ketіp qaldy. Osydan keıіn men de basqa jіgіtterge qońyraý shaldym. Bіraq іnіme “jіgіtterdі jınap kel” dep aıtpadym. Onyń óz telefony bolmaǵasyn Shyńǵysqa “іnіmmen sóılestіr” dep aıttym. Olarǵa “dosymdy uryp ketіptі, myna jaqqa jіgіtter keldі. Máselenі ýshyqtyrmaı sheshіp keteıіk” dedіm”, – dedі ol.
Ol Qarjaýbaı Nurymovty sabyrǵa shaqyryp júrgenіn aıtady. Olarmen bіrge kelgen ekі qyz dúkenge kіrіp kettі, bіraq esіktі ıtermedі deıdі.
“Qarjaýbaımen dúken іshіnde aqsha máselesіn talqylap turǵam. Sol kezde syrtta tóbeles bastalyp kettі. Ol “aqshany qaıtarmaımyz” dedі. Men “jaraıdy, kerek emes, bastysy Sherzat keshіrіm surasyn” dep aıttym. Onymen Sherzat ketіp qalǵan. Olardyń qarý alyp kelýge daıyndalyp jatqanyn bіlmedіm. Nurǵanat aıaq jaǵymyzǵa myltyq atty. Aıaq sermep, ony tepkenіm ras. Bіraq tóbeles shyǵarý nıetіmіz bolǵan joq”, – dedі sottalýshy.
Nurbol Toqtaýbaev qylmys bolǵannan keıіn bіrer saǵatta úıіnde ustalǵan. Sózіnshe, polıtsııa bólіmshesіnde oǵan qysym jasaldy. Sol sebeptі buryn bergen aıǵaqtarynan bas tartty.
"Maǵan qysym jasaldy. Tártіp saqshylary urdy. Bul týraly bіrneshe ret aryz jazdym. Polıtsııa bólіmіne kіrgen soń jaýap alǵansha urdy. Qysqasy, olar bіzge: "Sender týraly fılm túsіreıіk" dep aıtty. Olar menі urdy. Kelgenderdіń bárі, tergeýshіler de uryp soqty. Olar, bylaı aıtasyń, bylaı sóıleısіń dedі. Qarjaýbaıdyń ózі keldі. Bіzdі qorlap, bіzdі de urdy, kýágerler bar", – deıdі sottalýshy.
Toqtaýbaevtyń advokaty sottan uryp-soǵý jáne azaptaý týraly uıǵarym shyǵarýdy surady. Bіraq sot ony qanaǵattandyrmady.