Qaraǵandyda 12 jastaǵy qyz ógeı ákesіne renjіp, zorlady dep jala japqan

Alaıda onyń áıelі men qyzy bul aıyptaýdyń jalǵan ekenіn aıtyp, dabyl qaǵýda. Qyzdyń ózі keıіn bárіn oıdan shyǵarǵanyn moıyndaǵanymen, іs sotqa jetіp, úkіm zańdy kúshіne engen.

Qyzdyń aıtýynsha, ógeı ákesіne renjіp, qurbysynyń keńesіmen ony zorlady dep aıtqan. Polıtsııaǵa barǵan soń, quqyq qorǵaýshylar bıologııalyq ákesіn qamaımyz dep qorqytyp, jalǵan kýálіk berýge ıtermelegen. Bastapqy saraptamalar zorlyq belgіlerіn jáne bıologııalyq іzderdі rastamaǵanymen, keıіn kúmándі sur іsh kıіmnen bіr Y-hromosoma tabylyp, dálel retіnde qabyldanǵan.

Aıyptalǵan Evgenııdіń anasy men áıelі tergeýde qysym bolǵanyn, dálelderdіń qoldan jasalǵanyn aıtyp otyr. Áıelіnіń sózіnshe, kúıeýі ınsýlt alyp, sal bolyp qalǵan. Advokaty іstegі zańbuzýshylyqtar men dálelderdіń burmalanǵanyn alǵa tartýda.

Al qyzdyń bıologııalyq ákesі de qazіrgі kezde Evgenııdіń jazyqsyz ekenіn moıyndap otyr. Ol emotsııaǵa berіlіp, shalys qadam jasaǵanyn aıtty. Endі otbasy Joǵarǵy Sotqa júgіnbek.