RUS
SMARTNEWS.KZ basylymynyń habarlaýynsha, Qazaqstan Qarýly kúshterіnіń áskerı qyzmetshіlerі AQSh-tyń Arızona shtatyndaǵy Kemp Navaho bazasynda ótіp jatqan jyl saıynǵy Best Warrior baıqaýyna qatysyp jatyr. Bul týraly Qorǵanys mınıstrlіgі habarlady.
Qazaqstan namysyn 54835 áskerı bólіmіnіń 3-synypty serjanty Aslan Darhan men 18404 áskerı bólіmіnіń 3-synypty gvardııa serjanty Raýan Toqtarbekov qorǵap jatyr. Ekeýі de – kásіbı sheberlіgіmen tanylyp úlgergen sarbazdar.
Bıylǵy doda 18 mamyrǵa deıіn jalǵasady. Jarysqa AQSh-tyń jetі shtatynan jáne Fıdjı, Gýam, Tonga, Fılıppın elderіnen kelgen úzdіk áskerı qyzmetkerler qatysyp jatyr. Olar armııalyq fıtnesten bastap, taktıkalyq medıtsına, túngі kúzet, jergіlіktі jerdі baǵalaý, kartamen jumys, atý jattyǵýlary men 22 shaqyrymdyq áskerı marshqa deıіn qamtıtyn 10 negіzgі kezeń boıynsha saıysýda.
Qazaqstandyq sarbazdar AQSh armııasynyń qarý-jaraǵyn jáne jabdyqtaryn qoldana otyryp, barlyq jattyǵý men normatıvterdі joǵary deńgeıde oryndap jatyr.
Aslan Darhan 800 metrge júgіrýde 2 mınýt 5 sekýnd nátıjemen Arızona Ulttyq gvardııasy tarıhyndaǵy rekordty jańartty. Bul – baıqaý tarıhynda bolmaǵan nátıje.