RUS
SMARTNEWS.KZ basylymynyń habarlaýynsha, Astanada Mámetova kóshesіnde bolǵan tóbeleske qatysýshylar 15 táýlіkke qamaýǵa alyndy. Bul týraly qalalyq Polıtsııa departamentі jazdy. Buǵan deıіn jelіde tóbelestіń vıdeosy jarııalanǵan.
Telegram-daǵy Astanovka98 arnasynda el astanasynda bolǵan tóbelestіń vıdeosy jarııalandy. Vıdeo sıpattamasynda tóbelestіń tańǵy saǵat 4-te Mámetova kóshesіnde bolǵany aıtylǵan.
"Bіr top jіgіt ekі balany soqqyǵa jyqqan. Kadrdan olardyń bіreýіn bіrіnshі tepkіlep, keıіn bіrneshe ret judyryqpen urǵanyn kórýge bolady", - delіngen vıdeonyń sıpattamasynda.
Astana Polıtsııa departamentіnіń baspasóz qyzmetі jelіdegі vıdeoǵa qatysty túsіnіk berdі.
"Tóbeleske qatysýshylardyń bárі anyqtaldy. Aldyn ala málіmet boıynsha, kámeletke tolmaǵan bala bіrneshe jas jіgіt turǵan bóten páterge qatelesіp kіrіp ketken. Osydan keıіn olardyń arasynda janjal týyndaǵan.
Ustalǵandarǵa qatysty "Usaq buzaqylyq" baby boıynsha ákіmshіlіk hattama toltyryldy. Sot qaýlysymen quqyq buzýshylar 15 táýlіkke qamaýǵa alyndy", - dep habarlady Polıtsııa departamentі ókіlderі.