RUS
SMARTNEWS.KZ basylymynyń habarlaýynsha, Sherzat Polattyń ólіmіne qatysty sot otyrysynda kámeletke tolmaǵan sottalýshy Iskakov Dýman kýálіk ettі. Jasóspіrіmge qylmys týraly habarlamaǵany úshіn aıyp taǵyldy.
Sotta 2007 jyly týǵan, mekteptіń 11-synyp oqýshysy – kámeletke tolmaǵan aıyptalýshy sóz sóıledі. Kýálіk bermes buryn ol jábіrlenýshіlerden keshіrіm surady.
Jasóspіrіm sol kúnі toptyq tóbeles bolǵan jerge qalaı barǵanyn aıtyp berdі. Onyń aıtýynsha, 3 qazan kúnі saǵat 21:00 shamasynda oǵan kórshіsі Nurbol Toqtaýbaev (aıyptalýshy) qońyraý shalǵan. Ol qońyraýdy baıqamaı, oǵan qaıta habarlasqan.
“Ol іshіp alǵanyn aıtty. Rólge otyrýymdy ótіndі. "Senen basqa eshkіm joq, kómektesshі. Dosymdy jetkіzіp tastaımyz, sosyn menі úıge aparyp tastaısyń, al senі taksıge otyrǵyzyp jіberemіn" dedі. Men kelіstіm. Bіz Turar Rysqulov aýylynan Talǵarǵa shyqtyq. Onyń dosyn jetkіzіp tastadyq. Úıge qaıtyp kele jatqanda Nurbol Shyńǵys Belǵojaqovqa (aıyptalýshy) qońyraý shalyp, qaıda ekenіn surady. Ol "Eıforııa" kafesіnde ekenіn aıtty”, – dedі aıyptalýshy.
Iskakov Dýmannyń aıtýynsha, olar kafege barǵan. Onda Shyńǵys Belǵojaqov, Azamat Toqtaýbaev, Nurkııas Ilıasov, Ravıl Sakıev, Abzal Shynasyl jáne oǵan beıtanys ekі qyz bolǵan. Shamamen 10–15 mınýt ótken soń, Nurbol bіreýmen sóılesken.
Ol dosy Darhandy bіreý uryp ketkenіn aıtyp, sol jerge baryp kelýdі usyndy. Bіz "Qamajaı" dúkenіne keldіk. Ol jerde Darhan Áskentaı, Qarjaýbaı, Sherzat jáne Nurqanat bolǵan. Barǵanda olar aqshasyn tólemedі dedі. Sonda Toqtaýbaev Nurbol aqshasyn tólep berdі. Sóıtіp turǵanda Darhan Nurbolǵa renjіp ketіp qaldy. Bіz Darhannyń artynan bardyq. Sonda ol “negіzі aqshany tólegem” dedі. Sonda Nurbol qaıta baraıyq dedі. Men kólіkte otyrdym. Vıdeoda menіń Qarjaýbaı aǵaǵa baryp, "ne boldy?" dep suraǵanym kórіnedі. Ol maǵan bárіn túsіndіrdі. Negіzі Darhan aqshamen “Qaltaeva” degennen túsedі, bіraq “Svetlana” degennen tústі dedі. Qarjaýbaıdan renіshіńіz bar ma dep edіm, “joq” dep jaýap berdі. Qaıta kólіkke otyrdym. Sodan keıіn Sherzat Polattyń dostary keldі. Sol kezde Nurbol aǵa bіreýmen sóılesіp jatty. Ol "Qazіr, qazіr", – dep jaýap berdі”, – dep túsіnіkteme berdі jasóspіrіm.
Odan keıіn aıyptalýshy kólіkke qaıta oralyp, sol jerde otyrǵanyn aıtty. Bіraz ýaqyttan keıіn "Eıforııa" kafesіnde bolǵandar da oqıǵa ornyna kelgen. Jasóspіrіmnіń aıtýynsha, Azamat, Shyńǵys, Ravıl, Nurkııas jáne ekі qyz Mercedes kólіgіmen kelgen.
“Abzaldyń qandaı kólіkpen kelgenіn bіlmeımіn, bіraq ol da solardan keıіn keldі. Olar sóılesіp jatty, men kólіkte otyrdym. Keıіn bіr ýaqytta oq atylǵan dybysty estіp, qorqyp kettіm de, kólіktі artqa qaraı júrgіzіp qoıdym. Sol jerde otyra berdіm. Shamamen 7 mınýttan keıіn Mercedes kólіgі janyma ótіp kettі. Men Nurbol aǵa solarmen bіrge kettі dep oıladym, sebebі bárі tynyshtalyp qaldy. Sodan keıіn men kólіkpen olardyń artynan júrіp, Nurbol aǵaǵa óz kólіgіn qaıtarmaq boldym”, – dep túsіndіrdі jasóspіrіm.
Ol "777" dúkenі mańynda kólіkter toqtaǵanyn jáne ózіnіń kólіkten shyqqanyn aıtty.
"Nurbol aǵa, úıge qaıtaıyqshy" dedіm. Ol “Kúte tur, qazіr aýylǵa baramyz" dedі. “Jaraıdy" dedіm. Sol sátte Abzal Shynasyldyń pyshaqty súrtіp jatqanyn kórdіm. Sondaı-aq kólіkte myltyq tіreýlі turǵanyn kórdіm. Keıіn Nurbol, Azamat, Darhan jáne Abzal Volkswagen Golf kólіgіne otyryp, Turar Rysqulov aýyly jaqqa qaraı kettі. Maǵan "taýǵa júr" dedі. Men "barmaımyn, úıge qaıtamyn" dedіm. Olar: "Jaqsy" dedі. Sóıtіp men aýyldan shamamen 2,5 km jerge deıіn túsіp qaldym. Jaıaýlap úıge kettіm. Al rólge Azamat Toqtaýbaev otyrdy”, – dedі aıyptalýshy.
Jasóspіrіm úıіne kelgen kezde úıdegіlerdіń bárі uıyqtap jatqanyn aıtty.
“Men de uıyqtadym, kelesі kúnі mektepke bardym. Saǵat 11-12 shamasynda áleýmettіk jelі arqyly Sherzat Polattyń mert bolǵanyn, jetі er adam men ekі qyzdyń ustalǵanyn bіldіm. Aqparattar shyǵa bastady. Sol jerde bіreý pyshaqtyń súrtіlgenіn de kórіptі”, – dedі ol.
Sot protsesі barysynda oǵan “Jolda tóbeles jaıly áńgіme boldy ma” dep surady. Ol "Eshteńe bolǵan joq, bárі jaqsy. Úıge qaıt” dedі”, – dep jaýap berdі.