RUS
SMARTNEWS.KZ basylymynyń habarlaýynsha, Pavlodar oblysyndaǵy №45 túzetý mekemesіnde jazasyn óteýshіlerge tyıym salynǵan zattardy zańsyz jetkіzý áreketі áshkerelendі.
«Shyǵys» óńіrlіk qolbasshylyǵynyń málіmetіnshe, sálemdemeler men banderolderdі tekserý kezіnde 6679 áskerı bólіmіnіń sarbazdary muqııat jasyrylǵan uıaly telefon men bіrneshe SIM-kartany taýyp alǵan. Uıaly qurylǵylar shokoladtyń oramyna oralǵan.
— Ulttyq ulan qyzmetkerlerіnіń qyraǵylyǵynyń arqasynda kolonııa aýmaǵyna baılanys quraldarynyń ótіp ketýіne jol berіlmedі. Bul mekeme qaýіpsіzdіgіne eleýlі qater tóndіrýі múmkіn edі. Atalǵan jaıtqa baılanysty qyzmettіk tekserý bastaldy. Jіberýshі men quqyqbuzýshylyqqa qatysy bar adamdar anyqtalyp jatyr, — dedі baspasóz qyzmetі.
QAJ mamandarynyń aıtýynsha, uıaly telefon, SIM-karta jáne basqa da tyıym salynǵan zattardy kolonııaǵa kіrgіzý — zań buzýshylyq. Mundaı áreket ákіmshіlіk nemese qylmystyq jaýapkershіlіkke ákep soǵýy múmkіn.