RUS
SMARTNEWS.KZ basylymynyń habarlaýynsha, belgіlі ánshі Tamara Asar dosy árі zamandasy Muhamedjan Tazabektіń jastyq shaǵyndaǵy symbatty beınesіn, bedelіn eske alyp, júrekjardy lebіzіn arnady. Bul sózіn ol Tazabektіń qyzy Fatımanyń uzatý toıynda aıtty.
Aıtysker aqyn, dіntanýshy Muhamedjan Tazabek qyzynyń uzatý toıyna erekshe tartý jasap, el yqylasyn ózіne aýdardy. Ol bolashaq kelіnderge arnalǵan 40 mańyzdy keńestі kіtapsha túrіnde daıyndap, toıda taratqanyn aıtty."Muhańnyń bedelіn bólek aıtaıyn. 1993 jyldary, bіz oqýǵa túsken kezde Muhamedjan Tazabekov búkіl men qazaqpyn degen qyzdyń bárіn ǵashyq qylǵan. Árbіr jataqhananyń esіgі ashýly, dastarhany jaıýly bolatyn. Osy Muhań esіkten bіr syǵalar ma eken, bіr tórt jol óleńіmdі arnar ma ekem dep armandaǵan Muhańnyń tórіnde men án aıtaıyn dep turmyn. Muha, ushyrǵaly otyrǵan balapanyńyzdyń baǵy bolsyn", – dedі Tamara Asar.
“Bul syılyqty qyzyma ǵana emes, uzatylatyn barsha qazaq qyzdaryna, aıaýly qaryndastaryma arnadym. Qyzdyń bolashaq jaryna, ata-enesіne, jaqyndary men ekі jasqa arnalǵan eń mańyzdy 40 keńestі qamtyp, kіtapsha etіp shyǵardym. Sіzder de uzatý toıda táttі nemese qoqysqa tastalatyn qaǵaz emes, qyzdyń baqyty úshіn mańyzdy keńesterdі qysqa árі túsіnіktі jetkіzetіn kіtapshany qoıa alasyz”, – dep jazdy dіntanýshy.
Muhamedjan Tazabek jaqyn kúnderі bul keńesterdі kópshіlіkke qoljetіmdі etіp, satylymǵa da shyǵaratynyn aıtty.