Qurylysy uzaqqa sozylǵan Shymkent áýejaıynyń máselesіn zerdeleıtіn úkіmettіk komıssııa quryldy

Premer-Mınıstrdіń ókіmіmen úkіmettіk komıssııa quramyna myna laýazymdaǵy tulǵalar endі:

- Premer-Mınıstrdіń bіrіnshі orynbasary, tóraǵa;

- Indýstrııa jáne ınfraqurylymdyq damý mınıstrі, tóraǵanyń orynbasary;

- Shymkent qalasynyń ákіmі;

- Úkіmet Apparaty Basshysynyń bіrіnshі orynbasary;

- Tótenshe jaǵdaılar vıtse-mınıstrі;

- Aýyl sharýashylyǵy vıtse-mınıstrі;

- Ishkі іster mınıstrіnіń orynbasary;

- Qorǵanys mınıstrіnіń orynbasary;

- Ekologııa jáne tabıǵı resýrstar vıtse-mınıstrі;

- Ulttyq ekonomıka vıtse-mınıstrі;

- Qarjy vıtse-mınıstrі;

- Ádіlet vıtse-mınıstrі;

- Ulttyq qaýіpsіzdіk komıtetі tóraǵasynyń orynbasary (kelіsіm boıynsha);

- Bas prokýrordyń orynbasary (kelіsіm boıynsha);

- Sybaılas jemqorlyqqa qarsy іs-qımyl agenttіgі tóraǵasynyń orynbasary (kelіsіm boıynsha);

- Úkіmet Apparatynyń Naqty sektordy jáne óńіrlerdі damytý bólіmіnіń óńіrlіk ınspektory.

«Komıssııa jumysqa dereý kіrіssіn, máselelerdі sheshý boıynsha naqty sharalar qabyldaýdy qamtamasyz etsіn», - dep komıssııaǵa mіndet júktelgen Premer-Mınıstrdіń ókіmіnde.

Eske salaıyq, 27 qańtarda Shymkent qalasyna jumys saparymen barǵan Úkіmet basshysy Álıhan Smaıylov áýejaı termınalyn salyp bіtіrýdі tezdetýdі tapsyrǵan edі. Sonymen qatar Premer-Mınıstr Shymkent áýejaıynyń jaǵdaıy halyqaralyq mártebege sáıkes kelmeıtіnіn aıtyp, jumystardy synǵa aldy.