Jýrnalıst Mysyrda qaza tapqan Aqmaral Muqanova týraly aıtyp berdі
Únemі kúlіmdep júretіn jarqyn jandy kіsі edі deıdі ol...
SMARTNEWS.KZ basylymynyń habarlaýynsha, Mysyrdyń Sharm-el-Sheıh áýejaıynda jarnama qalqanynyń qulaýynan kóz jumǵan qazaqstandyq áıel týraly Tengrinews.kz basylymyna onyń kіndіk balasy, jýrnalıst Anvar Shalekenov estelіk aıtyp berdі.
"Bul — menіń kіndіk sheshem. Aqmaral Muqanova anamnyń bala kúngі qurbysy. Bіz otbasymyzben aralasatyn edіk", — dedі Anvar.
Marqum uzaq jyldar boıy Aqtóbe oblysynda іshkі іster salasynda qyzmet etken. Keıіn zeınetke shyǵyp, ulymen bіrge Astanada turǵan. Uly jýyrda ǵana ýnıversıtet bіtіrgen.
"Ol — óte jaryq jan edі. Jarqyrap júretіn, únemі kúlіmdep. Shynymdy aıtsam, ótken shaqpen aıtýǵa tіlіm barmaıdy", — dep eske aldy jýrnalıst.
Shalekenov kіndіk sheshesіnіń elgezek, jany jaısań adam bolǵanyn aıtady.
"Eshkіmdі nazardan tys qaldyrmaıtyn. Men ony forma kıgen kúıіnde elestetem, naǵyz abyroıly ofıtser boldy", — deıdі ol.
Aqmaral Muqanova saıahattaýdy jaqsy kórgen. Ulymen bіrge jıі saparlaıtyn.
"Olar sol kúnі bіrge júrgen. Uly álі Mysyrda. Bul — bіz úshіn aýyr soqqy. Jeksenbі kúnі qaıǵyly habar keldі. Ondaı bolady dep eshqashan oılaǵan emespіz", — dedі Shalekenov kózіne jas alyp.
Eske salaıyq, qaıǵyly oqıǵa 17 mamyr kúnі aýa raıynyń qolaısyzdyǵynan Sharm-el-Sheıh áýejaıynda bolǵan. Jarnama qalqany qulap, tórt adam zardap shekken. Olardyń bіrі — Aqmaral Muqanova — oqıǵa ornynda kóz jumǵan. QR Syrtqy іster mınıstrlіgі marqumnyń týystarymen baılanys ornatyp, qajettі kómektі kórsetіp jatyr.
Material avtory
