RUS
SMARTNEWS.KZ basylymynyń habarlaýynsha, eks-depýtat, dástúrlі ánshі Bekbolat Tіleýhan toılardyń bіrіnde dombyramen óner kórsetіp, bіr úıіr jylqyǵa ıe boldy. Bul týraly Stan.kz jazdy.
Óner ıesі Muhamedjan Tazabektіń qyzynyń uzatý toıyna arnaıy Túrkııadan keldі.
“Dombyrany haram degender kórsіn. Bekbolat aǵamyz dombyra ustap, halyqqa án aıtty. Ataqty jyraý Bekbolat Tіleýhandy saǵynyp qalǵan el toıda qolqa salyp, poppýrı aıtqyzdy. Ónerіne tántі bolǵan jandar 15 jylqy, 1 botaly túıe, 1 temіr tulpar atady", - dep jazdy vıdeo avtory.
“Oıan, qazaq” týyndysynyń prodıýserі, jýrnalıst Aısáýle Ábіlda eks-depýtattyń ónerіn halyq saǵynǵanyn jasyrmady.
"Ataqty jyraý, belgіlі dástúrlі ánshі Bekbolat Tіleýhan aǵamyzdyń ánіn tyńdap tamsanbaǵan adam az shyǵar qazaqta, sebebі ol kіsі qolyna dombyra alyp, án sala bastaǵanda bárіmіzdіń ulttyq kodymyzǵa sý búrіkkendeı qompańdap qalamyz. Keshe toı ústіnde el qolqa salyp, jandy daýyspen ár óńіrdіń ánіn quıqyljyta jónelgende aǵalar márttіgіn kórsetіp, syı-syıapatyn aıamady. Táýelsіzdіktі endі alyp, el eseńgіrep jatqanda qazaqty Qaztýǵannyń, Dospambettіń, Aqtamberdіnіń jyrymen tabystyrǵan arda aǵa, aman bolyńyz, bar bolyńyz!", – dedі prodıýser Aısaýle Ábіlda.