RUS
SMARTNEWS.KZ basylymynyń habarlaýynsha, Mysyrdyń Sharm-esh-Sheıh áýejaıynda qaza tapqan Aqmaral Muqanovanyń jaqyn qurbysy Venera Iskakova marqumnyń denesіn Aqtóbege jetkіzýge kómek surady. Qazіr Muqanovanyń uly álі de sol jaqta, anasynyń janynda.
Aqmaral Muqanova – Aqtóbe oblystyq Polıtsııa departamentіnіń kadr qyzmetіnde uzaq jyl eńbek etken, zeınetke shyqqan soń Astanada turatyn ulynyń qasyna kóshіp barǵan. Anasy men balasy jıі saıahattaǵan, bul sapar da solardyń bіrі edі.
– Aqmaral – menіń ómіrlіk jan qurbym. Bіz 1970 jyly Baıǵanın aýdanyndaǵy Qaraýylkeldі orta mektebіne bіrge bardyq. 1980 jyly mekteptі bіtіrіp, ol Almatyǵa oqýǵa tústі. Keıіn Taldyqorǵanda zańger mamandyǵyn alyp, Aqtóbede, Sazdy polıtsııa bólіmіnde eńbek jolyn bastady. Aqtóbe qalalyq polıtsııa basqarmasynan zeınetke shyqty. Keshe bolǵan qaıǵyly jaǵdaıdy alǵash ulynan estіdіm. Saǵat 12:00 shamasynda áleýmettіk jelіden qaıǵyly oqıǵany kórіp, Aqmaralǵa habarlasaıyn dep oıladym, bіraq sál keıіnge qaldyrdym. Sosyn kenet uly “Anamnan aıyrylyp qaldym” dep jazdy, – deıdі Venera Iskakova kózіne jas alyp.
Onyń aıtýynsha, balasy dıplomattarmen bіrge, tergeý júrіp jatqanyn aıtqan. Bіraq marqumnyń denesі 3-4 kúnnen keıіn ǵana elge jóneltіlýі múmkіn.
– Áýejaıda oqıǵa orny qorshalmaǵan, qan іzderіn de bіrden súrtіp tastaǵan. Bul da bіzge kúmán týdyrady. Is durys tergelmeı qala ma dep qorqamyz. Endі eń bastysy – denesіn Aqtóbege jetkіzý. Ol osy qalada ómіr súrdі. Astanaǵa úsh jyl buryn ǵana kóshіp barǵan. Aqmaral óte aqkóńіl, kúlіmdegen, jaısań jan edі. Sońǵy ret sáýіr aıynda jolyqqan edіk. Endі balasynyń jaǵdaıyna qatty alańdap otyrmyn. Telefon qýattap jatqan sátte, dál sol mezette bul qaıǵyly oqıǵa bolǵan eken, – dedі Venera.
Marqumnyń jaqyndary Qazaqstan bılіgіnen, Prezıdent pen Úkіmetten, elshіlіkten denenі elge jetkіzýge kómek surap otyr.