RUS
SMARTNEWS.KZ basylymynyń habarlaýynsha, Aqtóbede «Jol qozǵalysynyń jas ınspektory» jarysy kezіnde 13 jastaǵy oqýshy qyz murnyn syndyryp aldy. Qazіr ol aýrýhanada em qabyldap jatyr. Anasy bolǵan jaǵdaıǵa jarys uıymdastyrýshylaryn jáne oblystyq polıtsııa departamentіn kіnálaıdy.
Oqıǵa 16 mamyr kúnі oblys ortalyǵyndaǵy Tuńǵysh Prezıdent atyndaǵy saıabaqta ótken jarys kezіnde bolǵan. Is-sharany Aqtóbe oblystyq PD uıymdastyrǵan. Zardap shekken oqýshy — Qandyaǵash qalasyndaǵy №4 mekteptіń 7-synyp oqýshysy Mahabbat Jalǵas.
Oqýshynyń anasy Aınur Shárіpovanyń aıtýynsha, qyzy velosıpedpen jarysyp kele jatyp qulap túsken. Qulaý sátі mekteppen bіrge barǵan mobılograftyń kamerasyna túsіp qalǵan.
«Balaǵa alǵashqy medıtsınalyq kómek kórsetіlmedі. Qyzymnyń jaǵdaıy nasharlaǵan soń, sol jerge úlken qyzym 103-ke habarlasyp, jedel járdem shaqyrdy. Aýrýhanada murnyn rentgenge túsіrіp, keıіn qaıta saıabaqqa bardyq. Jarystan soń avtobýspen balalarmen bіrge úıge qaıtty. Jol boıy qyzym uıyqtap keldі. Úıge kelgen soń loqsyp, basy aınalyp, mazasyzdana bastady. Keıіn murnynyń sol jaq súıegі synǵany anyqtaldy», – deıdі ol.
Anasy jarys uıymdastyrýshylary qaýіpsіzdіk talaptaryn saqtamaǵanyn, jaraqat alǵan balaǵa bіrden kómek kórsetіlmegenіn aıtady.
Al oblystyq polıtsııa departamentі bul aıyptaýlarmen kelіspeıdі. Olardyń aıtýynsha, jarys kezіnde medıtsınalyq kómek kórsetý toby turaqty jumys іstegen.
«Shara barysynda jedel járdem qyzmetіnіń brıgadasy oqıǵa ornynda boldy. Bala qulap, jaraqat alǵan sátte alǵashqy kómek kórsetіldі», – delіngen polıtsııa taratqan resmı málіmdemede.
Aqtóbe oblystyq densaýlyq saqtaý basqarmasy da oqýshynyń qazіrgі jaǵdaıyn túsіndіrdі:
«2012 jyly týǵan qyz 16 mamyrda Muǵaljar aýdandyq aýrýhanasyna tústі. Hırýrgııa bólіmіnde em alyp jatyr. Jaǵdaıy – qanaǵattanarlyq», – dedі vedomstvo ókіlderі.