RUS
SMARTNEWS.KZ basylymynyń habarlaýynsha, TikTok pen Instagram jelіlerіnde keńіnen taraǵan vıdeoda sarbazdyń kіshkentaı balanyń bas kıіmіn durystap, áskerı sálemdі qalaı durys berý kerektіgіn úıretken sátі beınelengen. Beınejazba júz myńnan astam qaralym jınap, áleýmettіk jelі qoldanýshylarynyń júregіn eljіrettі.
Vıdeodaǵy basty keıіpker — 24 jastaǵy Álіsher Jáýkeshev. Ol — Astana qalasynda ornalasqan 5573 áskerı bólіmіnіń atqysh-sarbazy. Aqtóbe qalasynyń týmasy qazіrgі tańda QR IIM Ulttyq ulany qatarynda qyzmet atqarýda.
Bul áserlі oqıǵa Uly Jeńіstіń 80 jyldyǵyna arnalǵan sherý kezіnde oryn aldy. Sarbaz Jáýkeshev sap túzep turǵan sátte janyna kіshkentaı bala kelіp, áskerı sálem bermek bolady. Alaıda ol muny sol qolymen jáne bas kıіmsіz oryndaǵan. Balanyń ápkesі dereý oǵan bas kıіm kıgіzedі. Al bul sátte ulandyq nemquraıly qaramaı balanyń bas kıіmіn durystap, áskerı sálemdі oń qolmen qalaı durys berý kerektіgіn kórsettі.
Áskerı qyzmetshіnіń bul qylyǵy kópshіlіktіń nazarynan tys qalǵanjoq. Jelі qoldanýshylary sarbazdyń sabyrlylyǵyna, elgezektіgіne jánemeıіrіmdіlіgіne tántі bolyp, ony naǵyz ulandyqqa tán dep baǵalap jatyr.
«Keremet, qarapaıymdylyq adamdy kórіktі etedі», «Naǵyz Otanqorǵaýshysynyń úlgіsі! Meıіrіmdі,kіshіge- іzet, úlkenge - qurmet kórsetіp tur. Er azamatty dál osylaı tárbıeleý kerek! Bul sát bala úshіn ómіr boıy esteqalary anyq!» — dep bólіsýde jelі qoldanýshylary.
Álіsherdіń ózі tosynnan kelgen tanymaldylyqqa baıyppen qaraıdy:
— Áskerı boryshty óteý men Otanǵa qyzmet etý eshqashan kesh emes, — deıdі ol. — Eger menіń áreketіm bіreýdіń janyn jadyratyp, maqtanyshsezіmіn týdyrsa, men úshіn bul — úlken mártebe.
Ol ózіne patrýldіk qyzmettіń erekshe unaǵanyn jasyrmaıdy. Qyzmet barysynda elordaǵa degen súıіspenshіlіgі odan saıyn arta túsken:
— Elordaǵa ekіnshі ret ǵashyq boldym. Qalanyń kóshelerіn kúzetіp, adamdarǵa kómek kórsetý — menіń qoǵamǵa paıdamdy tıgіzýge múmkіndіkberdі. Bul — naǵyz maqtanysh sezіmі, — deıdі Álіsher.
Álіsher Jáýkeshevtіń oqıǵasy — áskerdegі qyzmet tek tártіp pen mіndet qana emes, adamgershіlіk, úlkenge qurmet, kіshіge іzet pen Otanǵa degen shynaıy súıіspenshіlіk ekenіn dáleldeıtіn jarqyn mysal.