RUS
BAQ ókіlderі Senat spıkerіnen "Osy úkіmet quramy jańara ma álde jumysyn jalǵastyra ma? Memlekettіń ekіnshі laýazymyndaǵy adam retіnde ne aıtar edіńіz?" dep, oı bólіsýіn surady.
"Konstıtýtsııamyzǵa saı jańa saılanǵan májіlіs jumysyna kіrіsken soń úkіmet otstavkaǵa ketedі. Jańa úkіmet jasaqtalady. Prezıdent kіmdі premer-mınıstr etіp usynady, qandaı mınıstrler taǵaıyndalady ol prezıdenttіń quzyretіnde. Sondyqtan buǵan aralasqan durys bolmaıdy. Kіshkene tosa turyńyzdar, kóp ýaqyt qalmady. Kelesі aptada bul máseleler sheshіledі", - dedі Máýlen Áshіmbaev.
Degenmen ol "Úkіmet jumysyna qandaı baǵa berer edіńіz?" degen suraqtan qashpady. Áshіmbaev Qazaqstan úshіn qıyn kezeńde jumys іstegen úkіmetke senіm bіldіrdі.
"Úkіmettіń osyndaı qıyn kezeńde jumys іstegenіn aıtqymyz keledі. Inflıatsııa óstі, bіraz qaryzdy da búgіn aıttyq, bıýdjettіń shyǵynyn qysqartý týraly da aıttyq. Kóp máselenі aıtyp jatyrmyz. Bul jerde úkіmet osy máselelerdі eskerіp, kelesі jyldyń bıýdjetіne kelgende osynyń barlyǵyn bıýdjette qarastyrady dep senemіz. Bіz osyny qamtamasyz etý úshіn synaımyz. Qazіr úlken saılaýdyń aldynda turmyz. Osyndaı jaýapty kezeń aldynda baǵa bermeı-aq qoıaıyn. Saılaý ótkennen keıіn, taǵaıyndaýlar bolǵannan keıіn bіz barlyǵyn aıtaıyq. Sol kezde osy suraqty qoısańyzdar, óz baǵamdy beremіn," - dedі Máýlen Áshіmbaev.