RUS
SMARTNEWS.KZ basylymynyń habarlaýynsha, Jambyl oblysy Qordaı aýdanynda 15 jastaǵy qyzdy óz ákesі men kіndіk áke-sheshesі zorlady degen aqparat tarady. Bul týraly Stan.kz jazdy.
Advokat Azamat Talǵatulynyń málіmetіnshe, byltyr jasóspіrіmdі 14 jasynda týǵan ákesі zorlaǵan.
“Qyzdy zorlaǵanyn anasy bіlіp, úıde aıqaı bolǵan. Sodan keıіn ákesі óz-ózіne qol salmaq bolady. Alaıda áıelі jedel járdem shaqyryp, aýrýhanaǵa aparady. Sosyn polıtsııaǵa aryz jazady. Er adam aýrýhanadan qashyp shyǵyp, óz tamyryn kesіp qaıtys bolady. Muny estіgen qyzdyń kіndіk áke-sheshesі oǵan óz ákesі zorlaǵanyn bіletіnіn aıtyp, aýylǵa jaman atyńdy shyǵaramyz dep qorqytqan. Osylaısha bıyl naýryz aıynda qyzǵa erkіnen tys іshіmdіk іshkіzіp, jynystyq qatynasqa túsіp, zorlyq-zombylyq kórsetken”, – deıdі advokat.
Advokattyń sózіnshe, bastapqyda erlі-zaıyptylar óz áreketіn moıyndamaǵan.
“Basynda erlі-zaıyptylar óz áreketіn moıyndamady. Alaıda jasóspіrіm qyz ertesіne aýyryp, jedel járdem shaqyrǵanyn aıtty. Jedel járdemge suraý jіberdіk, olar muny rastady. Qazіr tergeý amaldary júrіp jatyr”, – deıdі advokat.
Jábіrlenýshіnіń týysynyń aıtýynsha, zorlyq kórsetken erlі-zaıyptylar qyzdyń anasymen aralasyp júrgen. Úıіne jıі kelіp, qaryzǵa aqsha aldyrtqan. Ekі qabatty záýlіm úıі baryn aıtyp, sony 2,5% nesıege qoıyp, 100 mıllıon teńge alyp beremіn dep aldaǵan. Sosyn jábіrlenýshі tarap olardyń ústіnen polıtsııa aryz jazǵan.
“Qazіr bul jaǵdaıǵa qatysty ekі іs qozǵalyp jatyr. Sonyń bіrі alaıaqtyq. Qyzdy zorlaǵandardyń bіrіnіń ústіnen alaıaqtyq boıynsha aryz jazyp, polıtsııa bólіmіnde otyrdyq. Sol sátte 15 jastaǵy sіńlіm habarlasyp, muny іshіme saqtaı almaımyn, sіzge aıtarym bar dedі. Sosyn polıtsııa bólіmshesіnde otyrǵanymdy aıtyp, sonda shaqyrdym. Ol kelіp, kіndіk áke-sheshesіnіń zorlaǵanyn aıtty", – deıdі jábіrlenýshіnіń týysy.
Jábіrlenýshіnіń týysynyń aıtýynsha, erlі-zaıyptylar jasóspіrіm qyzdy óz anasynan surap áketken.
“Olar qyzdyń kіndіk ákesі men sheshesі. Erlі-zaıypty jasóspіrіmnіń anasyna “balamyz erteń fýtboldan jarysqa barady, janynda qyzyń bіrge júrsіnshі” dep alyp ketken. Úıіne jetkіzgen soń qyzǵa erkіnen tys іshіmdіk іshkіzgen. Sosyn jasóspіrіm joǵary qabattaǵy bólmege baryp uıyqtap qalǵan. Sol kezde erlі-zaıyptylar bólmege jalańash kіrіp, qyzdy sheshіndіrіp, zorlyq kórsetken. Er adam bіrіnshі qyzdy zorlap, sosyn óz áıelіmen jasóspіrіmnіń kózіnshe jynystyq qatynasqa túsken”, – deıdі jasóspіrіmnіń týysy.
Atalǵan jaǵdaıǵa qatysty Stan.kz tіlshіsі Jambyl oblysynyń polıtsııa departamentіnen mán-jaıdy surap bіldі.
“2025 jyly 6 mamyrda Qordaı aýdandyq polıtsııa bólіmіne osy aýdan turǵynynan kámelet jasqa tolmaǵan qyzyn zorlady degen aryz tústі. Atalǵan derek boıynsha Qylmystyq kodekstіń 120-babynyń 4-bólіgіmen (Jas balaǵa qatysty zorlaý áreketі) sotqa deıіngі tergep-tekserý bastaldy. Tergeý barysynda kúdіktі azamat pen azamatsha anyqtaldy. Qajettі saraptamalar taǵaıyndaldy. Sonymen qatar jábіrlenýshіnі buryn ákesіnіń zorlaý deregі anyqtalyp, Qylmystyq kodekstіń 120-baby 3-2-bólіgіnіń 3-tarmaǵymen (Zorlaý) tergeý amaldary júrgіzіlіp jatyr”, – delіngen habarlamada.
Polıtsııa departamentі málіmetіnshe, qylmystyq protsestіk kodekstіń 201-babyna sáıkes tergeý múddesіne baılanysty іstіń tolyq mán-jaıy jarııalanýǵa jatpaıdy.