RUS
SMARTNEWS.KZ basylymynyń habarlaýynsha, oqıǵa 18 mamyr kúnі keshkіsіn 32V shaǵynaýdanyndaǵy balalar alańynda bolǵan. Qaýіptі oıynǵa qatysqan oqýshy esіnen tanyp, jerge qulap, basyn qatty soqqan. Artynsha denesі tyrysyp, qurysa bastaǵan.
Kýágerlerdіń aıtýynsha, jedel járdem oqıǵa ornyna tek jarty saǵattan keıіn kelgen. Jaǵdaıy aýyr bolǵan bala Mańǵystaý oblystyq kópbeıіndі balalar aýrýhanasyna shuǵyl jetkіzіldі.
Aýrýhananyń qabyldaý bólіmіndegіler oqýshynyń 2012 jyly týǵanyn, oǵan "Jabyq bas súıek-mı jaraqaty, mı shaıqalýy" degen dıagnoz qoıylyp, travmatologııa bólіmіne jatqyzylǵanyn rastady.
"Naýqastyń jaǵdaıy turaqty, tıіstі hattama boıynsha em qabyldap jatyr", – dedі dárіgerler.