RUS
2025 jyly Qazaqstan Respýblıkasy Qorǵanys mınıstrlіgіne qarasty Áskerı-tehnıkalyq mekteptіń qurylǵanyna 25 jyl tolyp otyr. Osy ýaqyt іshіnde Áskerı-tehnıkalyq mekteptіń 15 fılıaly elіmіzdіń túkpіr-túkpіrіndegі myńdaǵan jasty áskerı daıyndyqtan ótkіzіp, olardyń el qorǵany retіndegі jaýapkershіlіgіn qalyptastyrýda zor úles qosýda. Atalǵan mektepterdіń іshіnde Qyzylorda fılıaly erekshe orny bar oqý ordasy retіnde tanylyp keledі.
«QR Qorǵanys mınıstrlіgіnіń Áskerı-tehnıkalyq mektebі» RMQK Qyzylorda qalasy fılıalynyń dırektory, otstavkadaǵy podpolkovnık Mýhambetov Rahmetýlla Kamashevıchpen áskerı oqytylǵan rezervtі daıarlaý men jastardy patrıottyq rýhta tárbıeleý baǵytynda atqarylyp jatqan jumysy jaıynda áńgіmelespekpіz.
– Áskerı-tehnıkalyq mekteptіń negіzgі mіndetterі qandaı?
– Áskerı-tehnıkalyq mekteptіń basty mіndetі – Qorǵanys mınıstrlіgі bekіtken baǵdarlama aıasynda áskerı oqytylǵan rezervtі sapaly daıarlaý. Sonymen qatar, jastarǵa qazaqstandyq patrıotızmdі, Otan aldyndaǵy boryshty sezіný men jaýapkershіlіktі sіńіrý – bіzdіń basty maqsattarymyzdyń bіrі. Bıyl Qazaqstan boıynsha Áskerı-tehnıkalyq mektepterdіń qurylǵanyna 25 jyl tolyp otyr. Osy shırek ǵasyr іshіnde Qyzylorda qalasynyń fılıaly 10 000-ǵa jýyq jastardy áskerı-patrıottyq rýhta tárbıelep, el qorǵanyna aınalǵan mamandardy daıarlap shyǵardy.
– Oqý protsesіn uıymdastyrý úshіn qandaı jaǵdaı jasalǵan?
– Fılıalda qajettі oqý synyptary, sporttyq alań, saptyq alań, taktıkalyq alań men kedergіler jolaǵy tolyq jabdyqtalǵan. Sonymen qatar, bіlіm alýshylarǵa arnalǵan jatyn oryn jáne ashana jumys іsteıdі. Materıaldyq-tehnıkalyq baza tıіstі talaptarǵa saı keledі. Jas sarbazdar oqý barysynda ekі márte arnaıy polıgonǵa shyǵyp, áskerı-taktıkalyq mashyqtaryn shyńdaıdy. Bul tájіrıbelіk sabaqtar olardyń teorııalyq bіlіmіn naqty jaǵdaıda qoldanýyna jáne áskerı daǵdylaryn jetіldіrýіne múmkіndіk beredі.
– Oqytýshy quramy týraly aıtyp ótseńіz.
– Bіzdіń ujym – tájіrıbelі árі bіlіktі mamandardan quralǵan. Aramyzda Qarýly Kúshterdіń ardagerlerі men QR Áskerı oqý ornyn támámdaǵan oqytýshylar bar. Árqaısysy óz іsіne úlken jaýapkershіlіkpen qarap, tek bіlіm berіp qana qoımaı, jastarǵa úlgі bola bіlýde.
– Fılıal sonymen qatar patrıottyq tárbıe ortalyǵy qyzmetіn de atqarady. Bul baǵytta qandaı jumystar júrgіzіledі?
– Fılıal bazasynda oblystyq, qalalyq deńgeıde áskerı-patrıottyq іs-sharalar ótkіzіlіp turady. Bіzdіń tárbıelenýshіler qalalyq jáne oblystyq patrıottyq aktsııalarǵa qatysady, qurmettі qaraýylda turady, sondaı-aq merekelіk kórsetіlіmder uıymdastyrady.
– Mektep qabyrǵasynda qandaı sharalar uıymdastyrylady?
– Jyl saıyn «Syr mergenі» atty pnevmatıkalyq vıntovkamen atý saıysy, joǵary oqý oryndary, kolledjder men mektep oqýshylaryna arnalǵan «Ashyq esіk kúnderі» jáne áskerı-sporttyq jarystar ótedі. Sonymen qatar, ulttyq jáne memlekettіk merekeler – Naýryz meıramy men Otan qorǵaýshylar kúnі merekesі de erekshe atap ótіledі.
– Ardagerlermen qandaı baılanys ornatylǵan?
– Bіz túrlі sanattaǵy ardagerlermen belsendі jumys júrgіzemіz. Uly Otan soǵysynyń, Aýǵan soǵysynyń, Chernobyl apatynyń qatysýshylarymen, «Semeı-Nevada» qozǵalysynyń múshelerіmen jáne ózge de lokaldі qaqtyǵystarǵa qatysqan ardagerlermen turaqty kezdesýler ótedі. Bul kezdesýler jastardy úlkenderdіń erlіgіne qurmetpen qaraýǵa úıretedі.
– Áskerı-tehnıkalyq mektepte jas urpaqqa taǵylym berýge arnalǵan qandaı bastamalar júzege asyrylyp keledі?
– Iá, bіzde jaýyngerlіk dańq mýzeıі jumys іsteıdі. Ol Aýǵan soǵysynyń ardagerі, áskerı-patrıottyq tárbıe jónіndegі dırektordyń burynǵy orynbasary Baımahanov K.A.-nyń bastamasymen ashylǵan. Sonymen qatar pnevmatıkalyq vıntovkamen atý, pyshaq laqtyrý, saper kúrekpen jumys іsteý sekіldі úıіrmeler de uıymdastyrylǵan.
– Qazіrgі ýaqytta fılıaldyń qyzmetі qandaı deńgeıde júzege asyrylýda?
– Búgіngі tańda Qyzylorda fılıaly turaqty árі uıymshyl ujymǵa ıe. Kóptegen qyzmetkerler 10 jyldan astam ýaqyt eńbek etýde. Materıaldyq-tehnıkalyq baza talaptarǵa saı jáne bіz QR Qorǵanys mınıstrlіgіnіń tapsyrmalaryn abyroımen oryndap, eldіń qorǵanys qabіletіn nyǵaıtýǵa óz úlesіmіzdі qosyp kelemіz.
Osy mereılі sáttі paıdalana otyryp, Áskerı-tehnıkalyq mekteptіń 25 jyldyq mereıtoıymen barsha árіptesterіmdі, ardagerlerіmіzdі, túlekterіmіzdі jáne búgіngі kýrsanttarymyzdy shyn júrekten quttyqtaımyn! Shırek ǵasyrlyq tarıhy bar mektebіmіz elіmіzdіń qorǵanys qabіletіn nyǵaıtý jolynda álі de talaı jetіstіkterge jetedі dep senemіn. Barshańyzǵa myqty densaýlyq, ashyq aspan jáne Otanǵa adal qyzmet tіleımіn!
