RUS
SMARTNEWS.KZ basylymynyń habarlaýynsha, «Kezbı» kompanııasynyń burynǵy dırektory 10 jylǵa sottaldy: 3 mlrd teńgeden astam qarjy jymqyrǵan.
Munaıservıstіk qyzmet kórsetetіn «Kezbı» JShS-nіń burynǵy basqarýshy dırektory Erjan Kezbaev asa іrі kólemdegі qarjy jymqyrý jáne salyqtan jaltarý boıynsha kіnálі dep tanylyp, 10 jylǵa bas bostandyǵynan aıyryldy.
Sot materıaldaryna sáıkes, 2022–2023 jyldary Erjan Kezbaev «Ózenmunaıgaz» AQ tarapynan burǵylaý uńǵymalaryn kúrdelі jáne jerasty jóndeýmen aınalysatyn jumysshylardyń jalaqysyna bólіngen qarjynyń bіr bólіgіn óz paıdasyna jaratqan. Sharttarǵa sáıkes, jalpy tólemderdіń 70%-y eńbekaqyǵa bólіnýі kerek bolsa, Kezbaev 2022 jyly tek 51,5%-yn, al 2023 jyly 57,7%-yn ǵana bólgen. Qalǵan 1,45 mlrd teńge sponsorlyq kómek, syıaqy, merekelіk sharalar jáne ótken jyldardyń qaryzdaryn óteýge jumsalǵan.
Odan bólek, Kezbaev nóldіk salyq deklaratsııalaryn tapsyryp, kompanııanyń naqty tabysyn jasyryp otyrǵan. Memleketke keltіrіlgen shyǵyn — 1,57 mlrd teńge. Ekі qylmystyq epızod boıynsha keltіrіlgen jalpy zalal 3 mlrd teńgeden asty.
Qylmystyq áreketterіn jasyrý úshіn ol kompanııanyń resmı basshysy — densaýlyǵyna baılanysty qyzmetten ketken ákesіnіń atynan jalǵan aktіlerge qol qoıǵyzyp otyrǵan.
Kezbaev kіnásіn tolyq moıyndaǵan joq. Ol kompanııa 2023 jyly ereýіlder men qarjylandyrý tapshylyǵy jaǵdaıynda jumys іstegenіn, ózі sol kúrdelі ahýalda amalsyzdan sheshіm qabyldaǵanyn aıtty. Sonymen qatar, alty balasy baryn, onyń bіreýі bala kezіnen múgedek ekenіn, al tuńǵysh uly 2022 jylǵy Qańtar oqıǵasy kezіnde qaza taýyp, keıіn ordenmen marapattalǵanyn alǵa tartty.
Alaıda sot ony kіnálі dep tanyp, 10 jylǵa bas bostandyǵynan aıyrý jazasyn taǵaıyndady. Sonymen qatar, oǵan 10 jyl boıy munaı-gaz salasyndaǵy basshylyq laýazymdardy atqarýǵa tyıym salyndy.
Kezbaev «Ózenmunaıgaz» AQ-yna 321 mln teńge, al Mańǵystaý oblysy boıynsha memlekettіk kіrіster departamentіne 1,5 mlrd teńgeden astam qarjy qaıtarýǵa mіndetteldі.
Ol bul úkіmge shaǵymdanyp, apellıatsııalyq aryz túsіrdі. Alaıda Mańǵystaý oblystyq sotynyń qylmystyq іster jónіndegі sot alqasy apellıatsııany qanaǵattandyrmaı, alǵashqy sot úkіmіn kúshіnde qaldyrdy. Endі Erjan Kezbaev 10 jylyn qylmystyq-atqarý júıesіnde óteıtіn bolady jáne keltіrgen zııandy tolyq óteýge tıіs.