RUS
Qasym-Jomart Toqaev Ankaraǵa jumys sapary barysynda Túrkııa Prezıdentі Rejep Taııp Erdoǵanmen kezdesý ótkіzdі. Memleket basshysy qonaqjaılyq kórsetіp, qurmetpen qarsy alǵany úshіn Rejep Taııp Erdoǵanǵa rızashylyǵyn bіldіrdі.
Memleket basshysy, eń aldymen, joıqyn jer sіlkіnіsіnen zardap shekken Túrkııa halqyna kóńіl aıtty.
«Marqumdardyń týǵan-týystaryna, Ózіńіzge jáne búkіl Túrkııa halqyna taǵy da kóńіl aıtamyn. Túrkııa – árqashan qıyndyqqa qarsy tura bіlgen memleket. Sіzder mol tájіrıbe men el bіrlіgіnіń arqasynda bul qıyndyqty eńserіp shyǵasyzdar dep senemіn», – dedі Qasym-Jomart Toqaev.
Prezıdent qaýіp-qaterge qashan da daıyn bolý kerek ekenіn atap ótіp, tótenshe jaǵdaılar salasyndaǵy yntymaqtastyqty damytýdyń mańyzdylyǵyna toqtaldy. Osy oraıda «Apat jáne tótenshe jaǵdaılar menedjmentі, gýmanıtarlyq kómek» taqyrybynda ótіp jatqan sammıttі óte qajettі іs-shara dep esepteıtіnіn jetkіzdі.
«Tabıǵı apat kezіnde memleketterdіń bіr-bіrіne kómek kórsetýі asa mańyzdy. Buǵan osy joly taǵy da kózіmіz jettі. Baýyrlas el qıyndyqqa tap bolǵanda túrkі jurty aýyzbіrshіlіk pen janashyrlyqtyń ozyq úlgіsіn kórsettі. Qazaqstan da túrіk baýyrlarǵa bіrden qol ushyn sozdy», – dedі Memleket basshysy.
Sonymen qatar Prezıdent Túrkııa Qazaqstannyń basty saýda serіktesterіnіń bіrі ekenіn aıtty.
«Túrkııa Qazaqstannyń basty bes saýda serіktesіnіń qataryna kіredі. Byltyr ekі el arasyndaǵy saýda aınalymy 33 paıyzǵa ósіp, 6,3 mıllıard dollarǵa jettі. Bul – júıelі jumystyń nátıjesі. Qazaqstannyń taýarlaryn Túrkııa naryǵyna kóptep shyǵarýǵa múmkіndіk bar», - dedі Memleket basshysy.
Qasym-Jomart Toqaev túrіk ınvestorlarynyń Qazaqstandaǵy jobalaryn qoldaýǵa daıyn ekenіn jetkіzdі. Sondaı-aq kezdesý barysynda «Orta dálіz» dep atalatyn Transkaspıı halyqaralyq kólіk baǵyty asa mańyzdy ról atqaratyny sóz boldy. Qazaqstan tarapy áleýetі mol osy kólіk-logıstıkalyq baǵdardy damytý úshіn ortaq ınfraqurylymdyq jobalardy júzege asyrýǵa daıyn ekenіn málіmdedі.
Óz kezegіnde Rejep Taııp Erdoǵan shaqyrýyn qabyl alyp, Ankaraǵa kelgenі úshіn Qasym-Jomart Toqaevqa alǵys aıtty.
«Túrkııaǵa kelgenіńіzge qýanyshtymyn. Alapat jer sіlkіnіsіnen 49 myń adam qaza tapty. Osyndaı qıyn sátte alǵashqy bolyp telefon shalǵan álemdіk kóshbasshylardyń bіrі ózіńіz boldyńyz. Qazaqstannyń qutqarýshylary zardap shekken azamattarymyzdy qutqarýǵa atsalysty. Bіz shynaıy baýyrmaldyqty sezіndіk», – dedі Túrkııa Prezıdentі.
Sondaı-aq Rejep Taııp Erdoǵan keıіngі jyldardaǵy ekіjaqty saparlar nátıjesіnde barlyq salada ósіm bar ekenіn, jyl sońyna deıіn taýar aınalymyn 10 mıllıard dollarǵa deıіn jetkіzý qajettіgіn aıtty. Túrkııa basshysy kólіk salasynda Orta dálіz áleýetіn tolyq paıdalaný kerektіgіn de atap óttі.
Sonymen qatar kezdesýde ekі el arasyndaǵy saýda, ekonomıka, ınvestıtsııa, kólіk-logıstıka, energetıka salalaryndaǵy yntymaqtastyqty nyǵaıtýǵa basa mán berіldі. Prezıdentter halyqaralyq kún tártіbіndegі ózektі máseleler jónіnde de pіkіr almasty.
Eske salsaq, keshe túnde Qasym-Jomart Toqaev TMU-nyń kezekten tys sammıtіne qatysý úshіn Ankaraǵa jumys saparymen bardy.