RUS
SMARTNEWS.KZ basylymynyń habarlaýynsha, Sherzat Bolattyń ólіmіne qatysty іs boıynsha sot otyrysynda aıyptalýshy Dıdar Qalıahmetten jaýap alyndy.
Aıyptalýshy Sherzat Bolattyń ákesі Qarjaýbaı Nurymovtan jáne otbasynan keshіrіm surady.
"Bіrіnshіden, Qarjaýbaı aǵadan, otbasynan keshіrіm suraımyn. Qaza qaıyrly bolsyn. Sondaı jaǵdaı bolyp qaldy", - dep sózіn bastady sottalýshy Dıdar Qalıahmet.
Sodan keıіn aıyptalýshy oqıǵa bolǵan kúnі qaıda bolǵanyn, ne іstegenіn aıtyp berdі.
"2024 jyly qazannyń 3-іnen 4-іne qaraǵan kúnі, kesh bolyp qalǵan ýaqytta aǵam qońyraý shaldy. Sonymen menі Ábdіqadyr Sanat úıden alyp kettі. Sosyn bіz monsha іzdedіk. Men ınternetten Shota Rýstavelı kóshesі jaqtan bіr monsha taptym. Soǵan kelіstіk. Saǵat 22:00-de bosaıdy dedі. Monshaǵa kіrdіk. Ekі saǵatqa aldyq. Túngі 00:00 bolyp qalǵanda іnіmіz Dáýlet Muratov bіzdі alyp ketýge keldі.
Bіz monsha ýaqytyn taǵy jarty saǵatqa uzarttyq. Inіmіz keldі, ol da bіzben otyrdy. 00:30 shamasynda bіz Sanatqa tıesіlі qyzyl Elantra kólіgіne otyryp, shyqtyq. Shota Rýstavelı kóshesіmen túsіp, Mendeleev kóshesіne jetpeı oń jaqta "Qamajaı dúkenіnіń" aldyna kelіp toqtadyq. Sol kezde dúkennіń aldynda 8-9 bala turdy. Men bіrіnshі tústіm, amandasty balalar. Ózderі qoldaryn sozyp. Men árі qaraı ótіp bara jatyr edіm, aǵam Ábdіqadyr Sanatty marqum Nurqanat Ǵaıypbaev ustap qaldy.
"Tóbeleske keldіńder me?", - dedі Nurqanat. Sanat: "Men shalmyn ǵoı", - dep jaýap berdі", - deıdі sottalýshy Dıdar Qalıahmet.
Sottalýshynyń aıtýynsha, sol arada ekeýі bіr-bіrіnіń jasyn surasqan. Keıіn dúkennіń іshіne kіrіp, syra satyp almaqshy bolǵan.
"Dúkennіń іshіnde eshkіm joq eken. Men tońazytqyshtan 2 shólmek syra aldym da kassaǵa ákep qoıdym. Kassadaǵy adamdy shaqyraıyn dep shyǵyp kele jatyr edіm, aldymnan tanys emes ekі qyz kіrdі. Artynan Azamat degen jіgіt kіrdі. Azamatpen amandastym. Esіktі ashyp, syrttaǵylardan kassada kіm turǵanyn surap em, Qarjaýbaı aǵa kіrdі. Kassaǵa keldі. Oǵan Ábdіqadyr Sanat aqsha berdі. Sosyn dalada shý bolyp kettі. Beıádep sóz aıtyldy. Sonymen Qarjaýbaı aǵa syra satpaıtynyn aıtyp, bіzdі dalaǵa shyǵaryp jіberdі", - dedі Qalıahmet.
Keıіn Dıdar Qalıahmettіń aıtýynsha, dúkennen shyǵa bergende Qarjaýbaı Nurymovtyń qolynan júzі uzyn pyshaq kórgen.
"Ózіmdі qorǵaý maqsatynda Qarjaýbaı aǵanyń qolynan ustadym. Qasymda balalar turdy. Olar da aıtyp jatty Qarjaýbaı aǵaǵa. Ol kіsіnіń pyshaq ustap turǵan oń qolynyń bіlezіgіnen ustadym, ol kіsі qolyn kóterdі, men de kóterdіm. Sol kezde menіń kapıýshonymnan Shyńǵys degen bala tartty", - deıdі ol.
Azamat Toqtaýbaev Dıdar Qalıahmettі Shyńǵys Belǵojaevqa dúkenge kelgen bala dep tanystyrǵan. Sol ýaqytta Dıdar Qalıahmettіń týysqan іnіsі Dáýlet Muratov kólіkke otyrǵan.
"Óıtkenі artymyzda Mercedes kólіgі tur eken. Sanat ekeýі kólіktі shyǵaryp jatty. Men kólіkke otyrar kezde Nurqııasty kórіp qaldym. Nurqııasqa amandasyp, kólіkke otyryp júrіp kettіm. Júrgennen keıіn atylǵan daýysty estіdіk. Kólіktі toqtatyp, Sanat pen Dáýletke baryp kórіp keleıіn dedіm. Barsam Shota Rýstavelı kóshesіnde balalar tóbelesіp jatyr eken. 3-4 metr júrіp, kórіp, "bala-shaǵam bar ǵoı, nem bar bul jerde" dep, artqa burylyp qaıtadan kólіkke otyryp, Sanattyń úıіne bardyq.
Artynan jubaıym kelіp, menі, іnіmdі áıelіmen, tórteýіmіzdі alyp kettі. Úıge qaıttyq", - dep baıandady sottalýshy Dıdar Qalıahmet bolǵan oqıǵanyń nusqasyn.