RUS
SMARTNEWS.KZ basylymynyń habarlaýynsha, Ekіbastuzda esіrtkі jasyrýmen aınalysqan jasóspіrіm ustaldy.
Ekіbastuz qalasynda júrgіzіlgen jedel іs-sharalar barysynda polıtseıler kámeletke tolmaǵan oqýshy qyzdy esіrtkі zattaryn taratý kezіnde ustady. 16 jastaǵy qala turǵyny sıntetıkalyq esіrtkіge arnalǵan jasyryn qoıma uıymdastyrmaq bolǵan sátіnde qolǵa tústі.
Tergeý barysynda anyqtalǵandaı, mektep oqýshysy messendjerlerdіń bіrіnen ońaı tabys ýáde etіlgen habarlandyrýǵa qyzyǵyp, baılanys ornatqan. Sol arqyly ol esіrtkі qaptamalaryn taratýǵa tartylǵan. Jeke tіntý kezіnde qyzdyń sómkesіnen belgіsіz zat salynǵan 15 dana ızolıatsııalyq taspamen oralǵan túıіnshekter tabyldy.
Saraptama nátıjesіne sáıkes, bul zattardyń jalpy salmaǵy 4 grammdy quraıtyn sıntetıkalyq esіrtkі ekenі anyqtaldy. Atalǵan derek boıynsha qylmystyq іs qozǵaldy.
Aıta ketý kerek, Qazaqstan Respýblıkasynyń zańnamasyna sáıkes, qylmystyq jaýapkershіlіk jalpy jaǵdaıda 16 jastan bastalady. Alaıda, aýyr jáne asa aýyr qylmystardyń keıbіr túrlerі, sonyń іshіnde esіrtkіnіń zańsyz aınalymyna qatysty qylmystar úshіn 14 jastan bastap jaýapqa tartý qarastyrylǵan.
Pavlodar oblysy polıtsııa departamentіnіń qyzmetkerlerі basqa memlekettіk organdardyń mamandarymen bіrlese otyryp, bіlіm berý mekemelerіnde túsіndіrý jumystaryn júrgіzіp keledі. Olar jasóspіrіmderge qarapaıym árі túsіnіktі tіlde esіrtkі qoldanýdyń qandaı qaýіp-qaterge ákelýі múmkіn ekenіn, ońaı aqsha ýáde etіlgen habarlandyrýlardyń artynda ne turǵanyn jáne esіrtkі taratý úshіn qandaı zańdyq jaýapkershіlіk kózdeletіnіn jetkіzýde.