RUS
SMARTNEWS.KZ basylymynyń habarlaýynsha, Shymkentte buryn sottalǵan er adam balany azǵyndady dep taǵy ustaldy. Alǵashynda sýdıa ony qamaýǵa alýdan bas tartqan. Bul týraly Otyrar.kz saıty jazdy.
Oqıǵa Shymkenttegі turǵyn úılerdіń bіrіnde bolǵan. Is materıaldaryna sáıkes, urlyq jasaǵany úshіn qonys kolonııasynda jazasyn ótep jatqan er adam mektepten qaıtyp kele jatqan qyzdy baıqaǵan. Onyń sońynan erіp, kómektesemіn degen syltaýmen kіreberіske kіrіp, ádepsіz áreketter jasaǵan. Onyń áreketі beınebaqylaý kameralaryna túsіp qalǵan.
"Ol qonys kolonııasynan qaıtqan soń, Shymkenttіń 11-shaǵyn aýdanyna Ýálıhanov kóshesіnіń boıymen túsіp, sabaqtan kele jatqan 2-synyp oqýshysyn kórgen. Er adam 8 jasar qyzdyń sońynan іlesіp, onymen bіrge podezge kіrgen. Qyzǵa ótіrіk etegіnіń astynan jіbі shyǵyp turǵanyn aıtyp, ony alyp tastaýǵa kómektesetіnіn aıtqan. Sóıtіp etegіnіń astyna qol júgіrtіptі. Alaıda zorlyq-zombylyq bolǵan joq", – dedі advokat Talǵat Esіmov.
Onyń aıtýynsha, sot otyrysynda kúdіktі óz kіnásіn moıyndady. Dese de, jaqyn arada bostandyqqa shyǵatyndyqtan, qamaýǵa almaýdy suraǵan. Prokýratýra dereý qamaýǵa alýdy talap ettі.
"Tergeý soty ony qamaýǵa alýdan bas tartyp, oǵan 21 mamyrda bostandyqqa shyǵýǵa múmkіndіk berdі. Bіz bul týraly prokýratýra arqyly shaǵymdandyq. Qalalyq apellıatsııalyq alqa prokýrordyń bul jeke ótіnіshіn jan-jaqty jáne obektıvtі qarady", – dedі advokat.
Apellıatsııalyq sot tergeý sotynyń burynǵy qaýlysynyń kúshіn joıyp, kúdіktіnі 2 aıǵa qamaýǵa alý týraly sheshіm shyǵardy.
"Barlyq naqty tergeý áreketіnen keıіn bul іs jalpy tártіpte sotqa jіberіledі. Endі onyń taǵdyryn sot sheshedі, bul bap boıynsha 7 jyldan 12 jylǵa deıіn bas bostandyǵynan aıyrý jazasy qarastyrylǵan", – dep qosty Esіmov.