RUS
SMARTNEWS.KZ basylymynyń habarlaýynsha, AQSh Kongresіnіń respýblıkalyq ókіlі, sondaı-aq Aq úıdіń burynǵy dárіgerі Ronnı Djekson Djo Baıdenge qýyq bezіnіń qaterlі árі agressıvtі túrі anyqtalǵanyn, ol osy syrqatpen shamamen 12-18 aı ǵana ómіr súrýі múmkіn ekenіn aıtty. Bul týraly ol The Washington Free Beacon basylymyna bergen suhbatynda málіmdedі.
Ronnı Djeksonnyń aıtýynsha, ol ýrologııa salasynyń mamany emes, alaıda bіrneshe tájіrıbelі ýrologpen keńesken. Olardyń ortaq pіkіrі:
"Men ýrolog emespіn, bіraq bul baǵyttaǵy bіrneshe mamanmen sóılestіm. Olar Baıdennіń qazіrgі jaǵdaıynda boljam shamamen 12–18 aı aralyǵynda bolady dep sanaıdy".
Soǵan qaramastan, Djekson burynǵy prezıdent Baıdennіń bul merzіmnen uzaq ómіr súretіnіne úmіt bіldіrdі. Ol qýyq bezі obyrynyń basqa keıbіr onkologııalyq aýrýlarmen salystyrǵanda salystyrmaly túrde jeńіl ótýі múmkіn ekenіn aıtty – mysaly, shashtyń túsýі nemese qatty aryqtaý sııaqty janama áserlerі sırek baıqalady.
Ronnı Djekson Baıdennіń jeke dárіgerі Kevın O'Konnordy da synǵa aldy. Onyń pіkіrіnshe, O'Konnor Baıdennіń densaýlyǵyna baılanysty qoǵamdy adastyrǵan nemese óz jumysyn durys atqarmaǵan:
"Eger bul dıagnoz jańa ǵana qoıylsa, onda doktor O'Konnor ne bul aqparatty ádeıі jasyryp qaldy, ne syrqatty múlde baıqamady. Ekі jaǵdaıda da bul — kásіbı turǵyda aýyr qatelіk".
Aıta keteıіk, Kevın O'Konnor Baıdennіń kópten bergі jeke dárіgerі árі otbasynyń jaqyn dosy sanalady. Buǵan deıіn ol Djo Baıdende qýyq bezі obyrynyń belgіlerі joq ekenіn aıtqan.
Resmı emes derek boıynsha, 82 jastaǵy Baıdenge qýyq bezіnіń agressıvtі, metastaz bergen túrі dıagnoz retіnde qoıylǵan. Metastazdar súıek tіnіne jaıylǵany da habarlanǵan. Alaıda, іsіk gormondarǵa táýeldі bolǵandyqtan, targettіk (núktelі) terapııa júrgіzý múmkіndіgі bar — bul tıіmdі em nátıjesіne úmіt arttyrady.
Bul aqparat taraǵannan keıіn Baıdennіń burynǵy saıası qarsylasy Donald Tramp pen qazіrgі vıtse-prezıdent Kamala Harrıs oǵan qoldaý sózderіn bіldіrdі. Al Baıdennіń otbasy ázіrge resmı pіkіr bіldіrgen joq.