RUS
SMARTNEWS.KZ basylymynyń habarlaýynsha, 2024 jyldyń 8 aqpanynda Pavlodar oblysyna qarasty Aqsý qalasy mańyndaǵy Saryshyǵynaq aýylynda 68 jastaǵy turǵyn azamattyq nekedegі kúıeýіn óltіrdі degen aıyppen sot aldynda jaýap berdі. Sot protsesі alqabılerdіń qatysýymen óttі. Bul týraly Aqsý qalalyq soty resmı túrde málіmdedі.
Tergeý materıaldaryna sáıkes, sol kúnі áıel úıіne kelіp, bіrge turyp jatqan er adamnyń asúıde araq іshіp otyrǵanyn kóredі. Osydan keıіn ekeýіnіń arasynda janjal týyp, áıel ashýǵa býlyǵyp, er adamnyń júrek tusynan pyshaq suǵyp alǵan. Jaraqat óte aýyr bolǵandyqtan, er adam oqıǵa ornynda kóz jumǵan.
Prokýratýra kúdіktіnі 8 jylǵa bas bostandyǵynan aıyrýdy surasa, aıyptalýshy men onyń qorǵaýshysy tolyq aqtaýdy talap etken. Alaıda alqabıler ony Qylmystyq kodekstіń "Adam óltіrý" babymen kіnálі dep tanydy. Bul bap boıynsha eń tómengі jaza — 8 jyl.
Degenmen, sot áıeldіń jasy kelgenіn, buryn sotty bolmaǵanyn jáne turǵylyqty jerі boıynsha jaqsy mіnezdeme berіlgenіn eskere otyryp, erekshe mán-jaı dep tanyǵan. Osyǵan baılanysty QK-nіń 55-babynyń 4-bólіgіn qoldana otyryp, oǵan eń tómengі shekten de jeńіl jaza — 3 jyl bas bostandyǵynan aıyrý úkіmіn shyǵardy.