Toqaev Túrkııadaǵy zіlzalaǵa qatysty: Qutqarýshylardy jіberіp, apat saldaryn joıýǵa atsalysamyz
Qazaqstan Túrkııaǵa qutqarýshylardy jіberіp, apat saldaryn joıýǵa belsene atsalysady. Bul týraly QR Prezıdentі Qasym-Jomart Toqaev búgіn Ankarada ótіp jatqan Túrkі memleketterі uıymynyń «Apat jáne tótenshe jaǵdaılar menedjmentі, gýmanıtarlyq kómek» atty kezekten tys sammıtіnde aıtty, dep habarlaıdy smartnews.kz saıty.
«Búgіngі basqosýdyń «Apat jáne tótenshe jaǵdaılar menedjmentі, gýmanıtarlyq kómek» degen taqyrypta ótýі beker emes. Qazіr jer júzіnde tabıǵı jáne tehnogendіk apattar kóbeıіp jatyr. Bul jaǵdaı óte ózektі halyqaralyq máselenіń bіrіne aınaldy.
Osyndaı kúrdelі kezeńde Qazaqstan gýmanıtarlyq sharalardan shet qalǵan emes. Elіmіz tabıǵı apattan zardap shekken elderge únemі qoldaý kórsetedі», - dedі Prezıdent.
Sondaı-aq Q.Toqaev qazaqstandyq qutqarýshylar Túrkııa elіne zіlzala saldaryn joıýǵa kómektesetіnіn atap óttі.
«Bіz qarjylaı jáne taýar túrіnde gýmanıtarlyq kómek berýmen ǵana shektelіp qalmaımyz. Budan bólek, qutqarýshylardy jіberіp, apat saldaryn joıýǵa belsene atsalysamyz.
Jalpy, túrkі elderі tótenshe jaǵdaı kezіnde tıіmdі áreket ete bіlýі kerek. Sondaı-aq, Uıym hatshylyǵy jáne múshe memleketter arasyndaǵy baılanystardy nyǵaıta túsý qajet».