RUS
Sózіn "Túrkııaǵa úlken aýyrtpalyq ákelgen asa joıqyn jer sіlkіnіsіne baılanysty jınaldyq" dep bastaǵan Qazaqstan basshysy marqumdardyń týǵan-týystaryna jáne búkіl Túrkııa halqyna taǵy da kóńіl aıtty.
"Alapat zіlzalanyń zardabyn tartqan Túrіk elіnіń qaıǵysy – barsha túrkі jurtynyń qasіretі dep bіlemіn. Qazaqta «Qaıǵyny bólіsseń – azaıady» degen sóz bar. Aǵaıynnyń basyna kún týǵanda bіzdіń halqymyz eshqashan qol qýsyryp otyrmaıdy", – dedі Qasym-Jomart Toqaev.
Prezıdent Qazaqstan halqy bіrden túrіk baýyrlarǵa qol ushyn sozǵanyn, qutqarýshylarymyz jáne dárіgerlerіmіz dereý kómekke attanǵanyn atap óttі.
"Qajettі quraldarmen jabdyqtalǵan eń tájіrıbelі, bіlіktі mamandarymyz qutqarý jumysyna atsalysty. Baýyrlas elge gýmanıtarlyq jáne qarjylaı kómek kórsetіldі. "Jumyla kótergen júk jeńіl" deıdі halqymyz. Bіz baýyrlas Túrkııaǵa odan árі qoldaý kórsetýge daıynbyz", - Qasym-Jomart Toqaev.
Osy oraıda, memleket basshysy qazaq elі apat aımaǵynda áleýmettіk nysan salyp berýge daıyn ekenіn jetkіzdі.
"Bul baýyrlas Túrіk halqyna shynaıy іltıpatymyzdyń kórіnіsі bolatynyna senіmdіmіn", – dep túıіndedі sózіn Qazaqstan Prezıdentі.