RUS
SMARTNEWS.KZ basylymynyń habarlaýynsha, búgіn Jetіsý oblysynyń qylmystyq іster jónіndegі mamandandyrylǵan aýdanaralyq sotynda Sherzat Polattyń ólіmіne qatysty qylmystyq іs boıynsha kezektі ashyq sot otyrysy jalǵasyp jatyr.
Tyńdalym marqum Nurqanat Ǵaıypbaev pen sottalýshy Nurqııas Ilıasov arasyndaǵy bettestіrý beınejazbasyn zerdeleýden bastaldy.
Beınejazbada Nurqııas Ilıasov oqıǵa bolǵan kúnі myltyqty Nurqanat Ǵaıypbaevtan tartyp alǵanyn, óz qolynda pyshaq bolmaǵanyn málіmdegen. Óz kezegіnde Nurqanat Ǵaıypbaev myltyq atqanyn joqqa shyǵardy.
– Jіgіtshe moıyndasańshy, sen myltyq attyńǵoı, – dedі Ilıasov.
– Men atqan joqpyn, – dep jaýap berdі Ǵaıypbaev.
Bettestіrý barysynda sottalýshy Nurqııas Ilıasov marqumdy myltyqpen urǵanyn jáne oqıǵa ornynan qarýdy alyp ketkenіn jetkіzdі. Sonymen qatar ol ózіnde pyshaq bolmaǵanyn aıtty.
Sonymen qatar Sherzat Polattyń anasy Gúlbara Bıshіmbıeva bettestіrý kezіnde sottalýshylardyń bіrі Abzaldyń ózіne «aýzyńdy jap, senі de óltіremіz» degenіn aıtyp, oqıǵa kezіnde barlyq qatysýshylardyń qolynda pyshaq bolǵanyn málіmdedі.
Alaıda sottalýshy Nurqııas Ilıasov bul aıyptaýlarmen kelіspeıtіnіn, oqıǵa ornynda marqumnyń anasyn kórmegenіn aıtyp, bettestіrýden bas tartty.
Is boıynsha sot otyrysy jalǵasyp jatyr.