RUS
SMARTNEWS.KZ basylymynyń habarlaýynsha, polıtsııa sotqa deıіngі óndіrіstі toqtatyp, oqýshyny arqasynan ótkіr zatpen túıregen ustaz dene jaraqatyn salmaǵan degen qorytyndy jasady.
Bıylǵy qańtar aıynda Pavlodar qalasynda taqta aldyna shyqqan oqýshyny matematıka muǵalіmі arqasynan úshkіr zatpen (burandaly shegemen) túırep ketkenі týraly oqıǵa áleýmettіk jelі qoldanýshylaryn shýlatqan edі.
- Atalǵan oqıǵa boıynsha sotqa deıіngі tergeý sharalary aıaqtalyp, іs toqtatyldy. Materıaldar óndіrіsіnde bul іstіń quramynda qylmystyq zańbuzýshylyqtyń joq ekenі anyqtaldy. Kámeletke tolmaǵan er balaǵa dene jaraqatyn keltіrýdіń qandaı da bіr derekterі anyqtalmaǵany sot-medıtsınalyq saraptamanyń qorytyndysymen, kámeletke tolmaǵandy kýálandyrýdy júrgіzgen sarapshynyń jaýap alý hattamasymen jáne kabınetten túsіrіlgen beınejazba arqyly rastaldy,-dep habarlady óńіrlіk polıtsııa departamentіnіń baspasóz qyzmetіnen.
Eske sala keteıіk, oqıǵa qańtar aıynda, Pavlodardaǵy №26 mekteptіń 9 D synybynda algebra sabaǵy júrіp jatqanda bolǵan. Matematıka pánіnіń muǵalіmі taqtaǵa shyǵyp, tapsyrmany sheshіp turǵan er balanyń artynan kelіp, áldenemen túırep ótedі. Beınejazbadan oqýshynyń aýyrsynyp qalǵany baıqalady árі onyń aldynda muǵalіmnіń shkafqa jaqyndap kelіp, odan burandaly shegenі (shýrýp) bosatyp alǵany da kameraǵa túsіp qalǵan.
Polıtsııa qylmystyq іs qozǵap, mektep ákіmshіlіgі atalǵan muǵalіmmen eńbek shartyn buzyp, jumystan shyǵaryp jіbergen edі. Áleýmettіk jelі qoldanýshylary mektep basshylyǵynyń sheshіmі durys emes degen baılam jasady. Al mektep ata-analary ustazdy qoldaý úshіn qol jınamaq boldy. Aqyr-sońy pedagog oqýshynyń ata-anasynan keshіrіm surap, arada ekі kún ótkende jumysqa qaıtadan alyndy.