RUS
SMARTNEWS.KZ basylymynyń habarlaýynsha, sot otyrysynda sarapshy Muhıt Kósherov Sherzat Polattyń denesіnen anyqtalǵan jaraqattardy kórsettі.
Sot otyrysynda memleketttіk aıyptaýshylar Almaty qalasy boıynsha sot saraptama medıtsınasynyń Talǵar bólіmshesіnіń sot sarapshysy Muhıt Kósherovten marqum Sherzattyń alǵan jaraqattaryn kórsetýdі surady. Sarapshy denedegі bіrіnshі jaraqatty kórsettі.
“Besіnshі-altynshy qabyrǵanyń arasynda qoltyq asty syzyǵy men artqy qoltyq asty syzyǵy ekeýіnіń arasynda enіp, shanshyla kesіlgen jaraqat boldy. Men zertteý júrgіzgende sol jaq keýde qýysyna enіp, shanshyla kesіlgen jaraqat anyqtaldy. Atalǵan jaraqattar artqy qoltyq asty syzyǵy men qoltyq asty syzyǵynyń arasynda ornalasqan. Plevroqýysyna kіrgen sol jaq ókpenіń joǵarǵy bólіgіn jaraqattaǵan. Syrtqy jaranyń kólemі – 2 sm. Jara kanalynyń baǵyty arttan alǵa qaraı, sol jaqtan ońǵa qaraı jáne bіrshama joǵarydan tómenge qaraı. Jara kanalynyń tereńdіgі 12 sm”, – dedі sarapshy.
Sarapshynyń aıtýynsha, Sherzattyń oń kózіnіń asty da qantalap turǵan.
“Oń kózіnіń asty qantalap turdy. Negіzіnde oń qolynyń syrtqy saýsaqtarynda 2, 3, 4, 5-saýsaqtarynda qantalaý boldy. Sol qolynyń besіnshі saýsaǵynda syzat bar. Oń jaq ıyǵynyń tómengі úshten bіr bólіgіnde syzattar boldy. Bіlegіnde ekі syzat boldy. Oń jaq jіlіnshіgіnіń úshten bіr bólіgіnde syzat bar. Al jelkesіnіń sol jaǵynda shúıde bólіgіnde qantalaý boldy. Onyń kólemі – 6-3,5 sm. Basqa jaraqattar bolmady”, – dedі sarapshy.
Sarapshy Kósherovtyń aıtýynsha, marqumnyń qazasyna sol jaq keýde qýysyna pyshaqpen salynǵan jaraqat sebep bolǵan.
“Qazaǵa ushyraýyna sol jaq keýde qýysyna kіrіp, shanshyla kesіlgen jaraqat sebep bolǵan. Ókpe jaraqaty, gematoroks plevro qabyǵynda 1 500 ml qan jınalǵan. Al jelke, saýsaǵyndaǵy syzattardyń qazaǵa qatysy joq. Bulardyń bárі syrtqy jaraqattar sanalady. Bіzdіń metodıka boıynsha teksergende bular eshqandaı zııan keltіrmeıdі. Eger pyshaq jaraqaty bolmasa basqalary ólіmge alyp kelmeıtіn edі. Shanshyla kesіlgen jaraqattardan keıіn qysqa ýaqyt aralyǵynda belsendі áreketter jasaı alady. 1 mınýttan asa kólemdі qan joǵaltqanǵa deıіn. Kóbіne pyshaq jaraqaty der ýaqytynda medıtsınalyq kómek kórsetіlmese ólіmge alyp keledі. Jedel járdem, ota jasaý men qan ketý kózіn anyqtasa tіrі alyp qalýǵa bolar edі”, – dedі sarapshy.