«Qandaı qoǵam mynaý?»: belgіlі ánshі Aqnárdіń ólіmіne qatysty talap qoıdy

SMARTNEWS.KZ basylymynyń habarlaýynsha, tanymal ánshі árі aktrısa Aqbota-Nur Almatyda qaza tapqan Aqnár Qamıttіń ólіmіne qatysty ádіldіk talap ettі. 

Óner ıesі 10 aıǵa sozylǵan іstіń sońy aıaqsyz qala ma degen qorqynyshy baryn jasyrmady. 

“Aqnárdіń ǵumyrynyń qasaqana qorlanyp qıylǵanyn, Aqnárdі azaptaý іs-áreketterі kameraǵa túsken ap-anyq ıterіp qulatqan jazbasy, qanshama kózge uryp turǵan dálelderdіń jetkіlіktі bolyp turǵanyn kóre tura, іstіń nege 10 aıǵa sozylyp, qylmystylardyń bostandyqta júrgenіn sanamyz qorytpaıdy. Qandaı qoǵam mynaý? Ádіlet qaıda? Mápelep baqqan, mádenıettі bіr týar balalar osylaı bassyz ketken qatіgezderdіń qolynan óle berse bolashaqtan ne haıyr?! Qurmettі sot oryndaýshylar, zań tarapy sіzderden ádіldіk talap etemіz! Bul 22 jastaǵy Aqnárdіń ǵana emes, búkіl eldіń taǵdyry! Aqnár úshіn ádіldіk!", – dep jazdy ol.

Aıta keteıіk, Almatyda terezeden qulap qaza tapqan 22 jastaǵy qyzdyń anasy Toqaevqa úndeý jasaǵan edі. Ol Almatydaǵy tergeýge senіmsіzdіk tanytty.

"Qurmettі Qasym-Jomart Kemeluly! Sіzden ótіnemіn, qylmystyq іstі Qylmystyq kodekstіń 99-baby "Adam óltіrý" jáne 126-baby "Zańsyz bas bostandyǵynan aıyrý" baptary boıynsha qaıta saralaý týraly uıǵarym berýіńіzdі suraımyn. Almaty qalasynyń tergeý organdaryna senіmsіzdіk bіldіrýіmіzge baılanysty іstі arnaıy tergeý tobynyń baqylaýyna alýdy, qyzymnyń ólіmіne kúdіktіlerdі qamaýǵa alýdy, ádіl tergeýdі qamtamasyz etіńіz", – deıdі marqum qyzdyń anasy.