«4 uly men 1 qyzy bar»: Láılá Sultanqyzy marqum joldasy týraly syrdy ashty

SMARTNEWS.KZ basylymynyń habarlaýynsha, belgіlі telejúrgіzýshі Láılá Sultanqyzy efırde marqum joldasyn esіne aldy. 

"KeshREC" baǵdarlamasynda marqum kúıeýі Qaırat Berkіnbaev pen balalary jaıly estelіkterіn bólіstі. 

"Qaırattyń kezіnde ózі salǵan balabaqsha men mektepter álі de jumys іstep tur. Ol jerdіń qyzmetkerlerі álі kúnge deıіn alǵysyn bіldіrіp jatady. Sol jandardan balalarym da bata alsa eken deımіn. Uldarym ákesіnіń jolyn qýyp, elge syıly azamat bolsa eken. Qazіr Qaırattyń artynda qalǵan 4 ul men 1 qyzy bar. Ol endі balalarymnyń qyzyǵyn kóremіn degende ómіrden óttі. Keıde balalarynyń boıynan, ásіrese kenje ulymnan, ákesіne uqsastyqtardy baıqaımyn", – dedі Sultanqyzy.

Sondaı-aq, telejúrgіzýshі balalardyń da ákelerіn saǵynyp júrgenіn jasyrmady. Ózі de joldasy týraly aıtýdy doǵarǵan. 

"Jaqynda kenje ulymmen bіr jaǵdaı boldy. Bіr kúnі keshke bólmesіne kіrsem, menen burylyp, tyǵyla berdі. Suraqtaryma durys jaýap bermeı, ózіn aldaýsyratqandaı boldy. Kózі jasqa tolyp tur. Sóıtsem, ákesіnіń foto-vıdeolaryn kórіp, saǵynǵan eken. Buryn mundaı sezіmіn bіldіrmeıtіn. Odan keıіn ózіm de jańa jyldan keıіn Qaırat týraly kóp aıtpaýǵa ýáde bergen edіm. Óıtkenі menen de qıyn jaǵdaıda júrgen jandar kóp. Men jalǵyz jesіr emespіn ǵoı. Eldіń kóńіlіne qarap, olardy syılaǵandyqtan kóp aıtqym kelmeıdі. Bіraq bіr ǵana nárse aıtam, er azamat bolsa, Qaırattaı bolsyn!", – dedі jýrnalıst.