RUS
SMARTNEWS.KZ basylymynyń habarlaýynsha, 23 mamyrda álemdіk klassıkalyq mýzyka álemіnіń jas daryndaryn tanytatyn Virtuosos shoýynyń 10-maýsymyndaǵy mereıtoılyq ekіnshі halyqaralyq jartylaı fınal ótedі. Bul kezeńde Vengrııa, Avstrııa, Chernogorııa jáne Slovenııadan kelgen on talantty jas sahnada óner kórsetedі. Olardyń ónerіn halyqaralyq qazylar alqasy baǵalaıdy. Bul týraly Dimashnews.com jazdy.
Qazylar quramynda aty ańyzǵa aınalǵan opera tenory Hose Karreras pen álemge tanymal qazaqstandyq ánshі Dımash Qudaıbergen bar. Dımash buǵan deıіn de jobada qazylyq etken bolsa, Karreras alǵash ret qatysyp otyr.
Opera juldyzynyń sahnaǵa Concerto Budapest orkestrіmen bіrge eksklıýzıvtі nómіr oryndaýy men Dımashtyń qaıta qazylar qataryna qosylýy – kórermender tarapynan erekshe qyzyǵýshylyq týdyrdy.
«Kez kelgen mýzykanttyń maqsaty – tyńdarmanǵa shynaıy emotsııa syılaý. Mýzyka arqyly áser etý – bul ónerdіń eń keremet tusy», – dedі Hose Karreras jas talanttardy baǵalaýdaǵy kásіbı kózqarasymen bólіsіp.
Ekіnshі jartylaı fınalda ónerpazdardy Dımash Qudaıbergen, Hose Karreras, Albert Karreras, Van Eno, kіshі Plasıdo Domıngo, Ishtvan Vardaı, kіshі Ishtvan Kohan, Andrash Keller jáne Chaba Kael baǵalaıdy.
Vengrııa atynan ekі jas pıanıst – Noa Hendrıks pen Mete Paladı óner kórsetedі.
