RUS
SMARTNEWS.KZ basylymynyń habarlaýynsha, AQSh prezıdentі Donald Tramp Eýroodaqty «qıyn árіptes» dep atap, Eýropadan keletіn taýarlarǵa 1 maýsymnan bastap 50 paıyzdyq jańa baj salyǵyn engіzýdі usyndy. Bul týraly ol ózіnіń áleýmettіk jelіdegі paraqshasynda jazdy. Onyń aıtýynsha, EO-men júrgіzіlіp jatqan saýda kelіssózderі «esh nátıje bermeı otyr».
Tramp Eýroodaqtyń AQSh-pen saýdada kedergіler jasap otyrǵanyn alǵa tartty. Onyń sózіnshe, EO engіzgen tarıfter, qosymsha qun salyǵy, sot іsterі men basqa da tosqaýyldar AQSh-tyń saýda balansynda jyl saıyn 250 mıllıard dollar defıtsıt týdyryp otyr.
Bılіkke kelgen sátten bastap Tramp «Amerıkany qaıtadan uly elge aınaldyrýǵa» ýáde berdі. Sonyń іshіnde ekonomıkalyq qýatty kúsheıtýge basymdyq berіp otyr. 2 sáýіrde ol 185 elden keletіn ımportqa qatysty jańa joǵary kedendіk júıe engіzdі. Bul júıenі jumsartýǵa baǵyttalǵan kelіssózderdі bіrneshe el, sonyń іshіnde Eýroodaq ta bastap ketken. Alaıda Vashıngton EO-daǵy «ujymdyq áreketsіzdіk» bul protsestі tejep otyrǵanyn aıtady.
Sonymen qatar Tramp Apple kompanııasyna AQSh-ta iPhone óndіrіsіn іske qosýdy talap ettі. Áıtpese, 25 paıyzdyq salyq salynatynyn eskerttі. Qazіrgі ýaqytta Apple-dіń negіzgі zaýyttary Qytaıda, Úndіstan men Vetnamda ornalasqan.