RUS
SMARTNEWS.KZ basylymynyń habarlaýynsha, Qytaıdyń Tanshan qalasynan Astanaǵa arnalǵan alǵashqy ekі LRT poıyzy jóneltіldі. Jańadan shyǵarylǵan vagondar elordaǵa 2025 jyldyń maýsym aıynda jetkіzіledі.
Jóneltý rásіmіne Qazaqstan tarapynan "City Transportation Systems" JShS basqarma tóraǵasy Asylbek Dúısebaev, al Qytaı tarapynan jyljymaly quram óndіrýshі CRRC Tangshan Co., Ltd zaýytynyń basqarma tóraǵasy Chjoý TSıýnnıan men bas merdіger CRAEC kompanııasynyń bas dırektory Chjoý Haıveı qatysty.
Barlyǵy 19 poıyz shyǵarylmaq. Zamanaýı, júrgіzýshіsіz júretіn, tórt vagonnan turatyn bul quramdar avtomatty basqarýdyń tórtіnshі deńgeıіmen jabdyqtalǵan jáne árqaısysy 650 jolaýshyǵa deıіn tasymaldaı alady.
Foto: City Transportation Systems
LRT poıyzdary 1881 jyly qurylǵan, Qytaıdyń temіrjol salasyndaǵy eń іrі árі kóne zaýyttarynyń bіrі — CRRC Tangshan kásіpornynda jasalýda. Alǵashqy ekі poıyz Astanaǵa 2025 jyldyń maýsymynda jetse, qalǵan 17 quramdy osy jyldyń sońyna deıіn jetkіzý josparlanǵan. Jelі synaqtan qyrkúıek aıynda ótkіzіle bastaıdy.
Qazіrgі tańda Astanadaǵy LRT jobasynyń negіzgі qurylys jumystary aıaqtalýǵa jaqyn. Qalada jol tóseý, stantsııa qasbetterіn montajdaý, estakadalardy syrlaý, syrtqy ınjenerlіk júıelerdі qosý, estakada astyn abattandyrý jáne depo qurylysy júrіp jatyr.