RUS
SMARTNEWS.KZ basylymynyń habarlaýynsha, Darhan Amangeldіuly Satybaldy Almaty qalasynyń ákіmі qyzmetіne taǵaıyndaldy. Bul týraly Aqordanyń baspasóz qyzmetі habarlady.
«Satybaldy Darhan Amangeldіulyn Almaty qalasynyń ákіmі laýazymyna taǵaıyndap, buǵan deıіn atqarǵan qyzmetіnen bosatylsyn», – delіngen Memleket basshysynyń jarlyǵynda.
Darhan Satybaldynyń ómіrbaıany
Darhan Satybaldy 1974 jyly 26 naýryzda burynǵy Ońtústіk Qazaqstan oblysynda dúnıege kelgen. Seıfýllın atyndaǵy Aqmola aýyl sharýashylyǵy ınstıtýtyn jáne Qazaq gýmanıtarlyq-zań ýnıversıtetіn támamdaǵan. Mamandyǵy – ekonomıst-menedjer, zańger.
Eńbek jolyn 1991 jyly Keles aýdanyndaǵy «Kommýnızm» bólіmshesіnde jumysshy bolyp bastaǵan. Keıіn Keles aýdanyndaǵy «Keles» kásіpornynda aǵa ekonomıst, al Aqmola oblysynda «Qurakov ı KO» JShS-de bas býhgalter bolǵan.
2000–2002 jyldary – memlekettіk mekemelerdіń bıýdjet rásіmderіn baqylaý basqarmasynda bas revızor-ınspektor.
2002–2006 jyldary – QR Prezıdentі Is basqarmasynyń qarjylyq baqylaý jáne bıýdjettіk josparlaý bólіmіnde túrlі qyzmetter atqarǵan.
2006–2007 jyldary – Astana qalasy ákіmdіgіnіń «Jylý» KMK dırektory, Joǵarǵy sot janyndaǵy sot ákіmshіlіgі komıtetіnde jumys іstegen.
2007–2010 jyldary – Bіlіm jáne ǵylym mınıstrlіgіnde túrlі basshylyq laýazymda qyzmet etken.
2010–2013 jyldary – UQK departamentіnіń bastyǵy, Premer-Mınıstr Keńsesіnde áleýmettіk-ekonomıkalyq bólіm basshysynyń orynbasary.
2013–2015 jyldary – Shymkent qalasynyń ákіmі.
2015–2017 jyldary – Ońtústіk Qazaqstan oblysy ákіmіnіń bіrіnshі orynbasary.
2018–2019 jyldary – Shymkent qalasynan saılanǵan Senat depýtaty, áleýmettіk-mádenı damý jáne ǵylym komıtetіnіń múshesі.
2019–2022 jyldary – Qazaqstannyń Ózbekstandaǵy tótenshe jáne ókіlettі elshіsі.
2022–2025 jyldary – Túrkіstan oblysynyń ákіmі.
2025 jyldyń qańtarynda Memleket basshysynyń jarlyǵymen Túrkіstan oblysy ákіmіnіń qyzmetіnen bosatylyp, Prezıdent ákіmshіlіgі basshysynyń bіrіnshі orynbasary bolyp taǵaıyndaldy.