RUS
SMARTNEWS.KZ basylymynyń habarlaýynsha, júgіrý jarysy aýyr dertpen kúresіp jatqan bіrіnshі kýrs stýdentі Ersultan Bórіbekke qoldaý kórsetý maqsatynda uıymdastyryldy.
Ýnıversıtet mádenıetіnіń bіr bólіgіne aınalǵan bul shara 500-den astam qatysýshyny bіrіktіrdі. Júgіrý qashyqtyqtary 3, 5 jáne 10 shaqyrym boldy. Sonymen qatar, 400 metrge arnalǵan balalar estafetasy óttі.
«Marafon - bіz úshіn barlyǵymyzdy bіrіktіretіn mańyzdy oqıǵa. Bіz búgіn stýdentіmіzge kómek kórsetý úshіn jınaldyq. Júgіrýge tek stýdentter ǵana emes, eresekter men balalar da qatysty. Bul ýnıversıtettіń rýhyn, bіrlіgіn kórsetedі. Mundaı sharany jyl saıyn ótkіzіp turý kerek dep esepteımіn», - dedі Maqsut Narikbayev University Qamqorshylar keńesіnіń tóraǵasy Krıstofer Kempbell-Holt.
MNU Marathon osymen úshіnshі jyl qatarynan ótіp otyr. Buǵan deıіn jınalǵan qarajat aýyr syrqatpen kúresken stýdentter Sabına Saıranova men Eldar Qarmysulyna kómek retіnde baǵyttalǵan bolatyn. Qazіrgі tańda olar Maqsut Narikbayev University-de oqýyn sáttі jalǵastyryp jatyr.
«Men Aqtaýdaǵy Qazaqstannyń áskerı-teńіz kúshterіnde qyzmet etemіn. Astanada demalysta júrіp, osy marafonǵa qatysýdy uıǵardym. Bul - qaıyrymdylyq sharasy, bіz mundaı bastamalardy árqashan qoldaýǵa daıynbyz. 10 shaqyrym júgіrіp ótý qıyn bolǵan joq, sebebі men bіr jyldan berі júgіrýmen aınalysyp kelemіn. Búgіn ekіnshі oryndy ıelendіm, osy jetіstіgіmdі bapkerlerіme arnaımyn», - dedі marafon qatysýshysy Ázіmhan Ámіrhanov.
Aıta keteıіk, marafon jeńіmpazdaryna estelіk medaldar men serіktester atynan syılyqtar tabystaldy. Sharany Endowment MNU korporatıvtіk qory Astana qalasynyń ákіmdіgі, Astana qalasynyń trıatlon federatsııasy jáne The Akan Building qurylys kompanııasynyń qoldaýymen uıymdastyrdy. Atalǵan qor bıznes-qaýymdastyq, túlekter men ınstıtýtsıonaldyq donorlarmen bіrlese otyryp, zertteýlerdі qoldaý, joǵary bіlіm alýda ınklıýzııany qamtamasyz etý jáne MNU stýdentterіne jan-jaqty qoldaý kórsetý maqsatynda jumys іsteıdі.
