Germanııa kantslerі Frıdrıh Merts Izraıldі synǵa aldy
Ol Izraıldіń Gaza sektoryndaǵy áreketterі durys emes dep baǵalady.
SMARTNEWS.KZ basylymynyń habarlaýynsha, Germanııa kantslerі Frıdrıh Merts Izraıldіń Gaza sektoryndaǵy áskerı operatsııalaryna qatysty alańdaýshylyq bіldіrіp, Tel-Avıvtіń áreketterіn ashyq synǵa aldy.
"Izraıl úkіmetі ózderіnіń eń jaqyn dostary qabyldaı almaıtyn áreketterge barmaýy kerek", – dedі ol Berlındegі Europaforum sharasynda sóılegen sózіnde.
Mertstіń aıtýynsha, sońǵy kúnderі Gaza sektorynda beıbіt turǵyndardyń shekten tys zardap shegýі terrorızmmen kúres degen jeleýmen aqtalýǵa kelmeıdі. Ol Izraıl armııasynyń naqty maqsaty ne ekenіn túsіnbeıtіnіn de ashyq aıtty.
Sonymen qatar kantsler Germanııanyń Izraılge qatysty syn aıtýda tarıhı jaýapkershіlіkke baılanysty sál sderjan bolatynyn jetkіzdі. Alaıda, "halyqaralyq gýmanıtarlyq quqyq buzylǵanda únsіz qalýǵa bolmaıdy", dedі ol.
Aıta keteıіk, Izraıl 7 qazandaǵy HAMAS shabýylynan keıіn Gaza sektorynda áskerı qımyldaryn bastady. 18 mamyrda ekі aılyq bіtіmnen soń soǵys qımyldary qaıta jandandy. Sońǵy aptalarda gýmanıtarlyq kómek jetkіzýge qoıylǵan shekteýler men beıbіt halyqtyń qıyn jaǵdaıy álemdіk qaýymdastyq tarapynan jıі synǵa alynyp otyr.
Material avtory
