RUS
SMARTNEWS.KZ basylymynyń habarlaýynsha, Sherzat Polat іsі boıynsha advokat Baǵdat Amandosuly іsten shettetіlgenіn ashyq málіmdedі.
Sherzat Polattyń ólіmіne qatysty rezonansty sot protsesіnde advokattar arasynda kelіspeýshіlіk týyndap, іsten taǵy bіr qorǵaýshy shettetіldі. Bul joly daýly sheshіmnіń astarynan jeke ambıtsııalar men yqpal kúresі baıqalady.
Sherzattyń otbasy atynan sotqa qatysyp júrgen advokat Baǵdat Amandosuly ózіnіń áleýmettіk jelіdegі paraqshasynda kútpegen jerden іsten shettetіlgenіn málіmdedі. Onyń aıtýynsha, naqty sebep kórsetіlmeı, óz erkіnen tys protsess syrtyna shyǵarylǵan.
"Men bul іske úlken jaýapkershіlіkpen kіrіstіm. Sot – tsırk emes, bul jerde adamnyń taǵdyry sheshіledі. Bіreýdіń ımıdjі úshіn emes, aqıqat úshіn jumys іstedіm. Alaıda bіreýlerdіń ataq pen tanymaldyqqa umtylysy menі shetke ysyrýyna sebep boldy", – dep jazdy ol.
Advokattyń aıtýynsha, qorǵaýshylar arasynda shekteý qoıylǵan іshkі erejeler men bılіkke umtylys baıqalǵan.
"Sotta tek bіr adam ǵana sóıleıdі, tek sol ǵana halyqtyń aldyna shyǵady, qarsy shyqqandar – іsten ketedі. Qalǵandary – jaldamaly degen syńaıdaǵy sózder aıtyldy. Bul kásіbı qorǵaýshylar komandasyna tán emes jaǵdaı", – deıdі ol.
Amandosuly ózіnіń jumysy men suraqtaryn ózgenіń atynan ıemdený, kásіbılіktі emes, ego men monopolııany alǵa tartý beleń alǵanyn aıtyp, sot protsesіn haıp quralyna aınaldyrmaýǵa shaqyrdy.
"Men shyndyq úshіn keldіm, bіraq bul іstіń kóleńkesіnde qalǵym kelmeıdі. Bul – qanmen boıalǵan tragedııa, pıar alańy emes", – dedі ol.
Aıta keteıіk, buǵan deıіn dál osy іs boıynsha Jandos Palmanov pen Nurbolat Ibraev ta túrlі sebeptermen shettetіlgen bolatyn. Osylaısha, Sherzat Polattyń ólіmіne qatysty tergeý barysy aınalasyndaǵy adamdar arasyndaǵy tartystarmen de qyza túsken.
Jelі qoldanýshylary Baǵdat Amandosulyn іsten kіm shettetkenі belgіsіz bolǵanymen, bul jaǵdaıdy qorǵaýshylar tobyna keıіnnen qosylǵan Meıіrman Shekeevpen baılanystyryp otyr.
Eske salsaq, sot bastalar aldynda marqumnyń otbasy Aıtbek Amangeldі bastaǵan bastapqy advokattar tobynan bas tartyp, jańa zańgerlermen jumys іsteıtіnіn málіmdegen edі.