RUS
"Ótemaqy tóleý rásіmіnіń aıaqtalyp kele jatqandyǵyn qýana habarlaımyz. Qazaqstannyń depozıtterge kepіldіk berý qory 15 naýryzda bankterden salymshylardyń aqtyq tіzіlіmіn alyp, olardy operatorǵa joldady. Jaqyn kúnderі bankter tólemderdі tolyq kólemde aıaqtaıdy", - dedі QDKBQ Tóraǵasynyń orynbasary Almas Qudaıbergenov.
«Problemalyq kredıtter qory» AQ pen «Qazaqstannyń ornyqtylyq qory» AQ aqshalardy bankterge aýdardy. Aýdarylǵan qarajattardyń jalpy somasy 306,6 mlrd teńge boldy. Al memleket tarapynan 10-paıyzdyq syılyqaqyny alatyn salymshylar sany 2 mln 615 myń 772 adamdy qurady.
Qaǵıdalarǵa sáıkes, ekіnshі deńgeıdegі bankter ekі jumys kúnі іshіnde (sońǵy kúnіn qosa alǵanda 2023-tіń 20 naýryzyna deıіn) tıesіlі syılyqaqyny ótіnіsh bergen depozıtorlardyń shottaryna aýdarady.
Teńgelіk depozıtter boıynsha 10%-dyq syılyqaqy Qarjy mınıstrlіgі men Qazaqstannyń Ulttyq Bankіnіń qarajattary esebіnen tólenedі.
Bankter syılyqaqy tóleýge ótіnіshterdі bes aı boıy – 2022 jyldyń qyrkúıegіnen 2023 jyldyń aqpanyna deıіn qabyldady. Ótіnіshterdі qabyldaý aǵymdaǵy jyldyń 10 aqpanynda aıaqtaldy.
Syılyqaqyny esepteý boıynsha tolyqqandy aqparat alý úshіn salymshylar depozıtterі ashylǵan bankterge júgіnýlerі tıіs.