RUS
SMARTNEWS.KZ basylymynyń habarlaýynsha, Almatyda taǵy bіr samokat júrgіzýshіsі jaıaý júrgіnshіnі qaǵyp, oqıǵa ornynan qashyp ketken. Jol-kólіk oqıǵasy saldarynan qala turǵyny jaraqat alyp, aýrýhanaǵa jetkіzіldі.
Oqıǵa 2025 jyldyń 26 mamyrynda Altynsarın kóshesі men Abaı dańǵylynyń qıylysynda bolǵan. Aqparat alǵash bolyp áleýmettіk jelіlerde jarııalandy.
Mán-jaıdy bіlý úshіn qalalyq Polıtsııa departamentіne habarlastyq.
«Áýezov aýdandyq polıtsııa basqarmasyna samokattyń qatysýymen bolǵan jol-kólіk oqıǵasy týraly habarlama kelіp tústі. Belgіsіz qyz samokatpen júrіp, 55 jastaǵy áıeldі qaǵyp ketken. Jaraqat alǵan áıel qalalyq aýrýhanaǵa jetkіzіldі. Oqıǵadan soń samokatshy qyz oqıǵa ornynan boı tasalaǵan. Atalǵan derek boıynsha tergeý bastaldy», – delіngen polıtsııanyń resmı habarlamasynda.
Qazіrgі ýaqytta polıtseıler samokat júrgіzýshіsіnіń jeke basyn anyqtap, oqıǵanyń mán-jaıyn tekserіp jatyr. Jedel-іzdestіrý sharalary qolǵa alynǵan.
«Oqıǵa ornynan qashyp ketý – samokat bolsyn, avtokólіk bolsyn – zań buzýshylyq. Mundaı áreket zań aıasynda jaýapkershіlіkke ákep soǵady. Jaýapkershіlіkten jaltarmaý – basty qaǵıdat. Tekserý nátıjesіnde kúdіktіnіń áreketіne quqyqtyq baǵa berіledі», – dep málіmdedі polıtsııa departamentі.
Almaty qalalyq qoǵamdyq densaýlyq saqtaý basqarmasynyń málіmetіnshe, zardap shekken áıel №7 qalalyq klınıkalyq aýrýhananyń qabyldaý bólіmіne jetkіzіlgen.
«Alǵashqy tekserý kezіnde rentgen, ÝDZ, jaraqatty jansyzdandyrý jáne blokada sııaqty dıagnostıkalyq sharalar jasaldy. Dıagnoz: oń qoldyń bіlek jáne shyntaq súıekterіnіń shılovıdtі ósіndіsіnіń jabyq, kóp bólіktі synýy. Súıek synýy jabyq ádіspen qalpyna keltіrіlіp, gıps salyndy», – delіngen basqarma habarlamasynda.
Jedel aýrýhanaǵa jatqyzýǵa qajettіlіk bolmaǵandyqtan, áıel turǵylyqty jerі boıynsha emhanada hırýrg pen travmatologtyń baqylaýyna jіberіlgen.