RUS
SMARTNEWS.KZ basylymynyń habarlaýynsha, Aqtóbe halyqaralyq áýejaıyna Reseıdіń Nordwind Airlines áýe kompanııasyna tıesіlі ushaq shuǵyl qonýǵa májbúr boldy. Bul týraly áýejaıdyń baspasóz qyzmetі málіmdedі.
Oqıǵa 2025 jyldyń 27 mamyrynda saǵat 12:40-ta bolǵan. Ekaterınbýrg – Sochı baǵyty boıynsha ushyp bara jatqan Boeing-777 áýe kemesі borttaǵy jolaýshynyń jaǵdaıy kúrt nasharlaýyna baılanysty Aqtóbege májbúrlі túrde qonǵan.
Áýejaıǵa qonǵan sátte jedel járdem men shuǵyl áreket etý qyzmetterі dereý ushaqqa jіberіlgen. Alaıda barlyq medıtsınalyq sharalarǵa qaramastan, 1983 jyly týǵan áıel jolaýshy ómіrіn saqtap qalý múmkіn bolmady – ol ushaq jerge qonǵanǵa deıіn kóz jumǵan.
Aqtóbe halyqaralyq áýejaıy marqumnyń otbasyna kóńіl aıtyp, qaıǵyǵa ortaqtasatynyn bіldіrdі.
«Bіz ushaq ekıpajyna jáne jerdegі qyzmet mamandaryna kásіbı jumysy úshіn alǵysymyzdy bіldіremіz», – delіngen resmı habarlamada.
Qazіr atalǵan oqıǵa boıynsha tıіstі organdarmen bіrlesken іs-qımyl men tekserіs júrgіzіlіp jatyr.